اليوم سنحكي وسنتحاور حول الإجابة عن سؤال: ما كيفية التعامل مع طفل فقد والده ؟ لما له من أثر ووقع كبير في الكثير من الأُسر والبيوت.بدايةً؛ التعامل معه معاملة اقرب لماملة الوالد، بالحب والحنان والرعاية والاهتمام؛ فأي طفل وأي حد بالتعود بيستجيب.
ولازم اللي حواليه يكونوا فاهمين انه فقد أهم وأحن شخص في حياته وانه مش هيتعوض وانه مصابه عظيم، والايام هتعدي، خصوصًا لو سنه صغير؛ وربنا يهون على الجميع.
وأهم شيء محدش يحسسه انه بقى
يتيم، بلاش كل اللى يشوفه يفضل يمصمص في شفافيه وياعينى وياحرام، لأن كل ده بيأثر عليه بالسلب.
ورسالة للأم؛ فهميه ان ربنا جميل ورحيم وانه راح عند ربنا عشان هو طيب وهيبقى في مكان حلو جداً مبسوط هناك -وقولي كلمة إن شاء الله دومًا-.
وتكلمى معاه عن ان إللى بيحب حد بيتمناله انه يكون مرتاح من تعب المرض والدنيا وان ربنا بيحبنا وبيريحنا من الالم والتعب ودة إللى احنا كمان كبني ادمين لازم نحبه للناس إللى بنحبها وديما ندعيلهم ونفتكرهم بالجنة إللى كلنا نفسنا نروحها لما ربنا يريد.
يعني الاول مهديله كلام عن الجنة وبعدين فهميه انه كلنا بنحب نروح الجنة واللى بيروح الجنة بيبقى فرحان، وبعدين اساليه لو هو عاوز مين معاه فى الجنة ... وواحدة واحدة هتقوليله ان أبوه اللى بنحبه سبقنا على هناك.
اقرأ أيضًا
ماذا نقول للأطفال عن الموت؟كيف اخبر ابني الصغير بوفاة جده ؟
