المحرر موضوع: ادعولي بالشفاء بظهر الغيب  (زيارة 60 مرات)

محتار

  • Sr. Member
  • ****
  • مشاركة: 331
    • مشاهدة الملف الشخصي

ادعولي بالشفاء بظهر الغيب

« في: أيار 28, 2021, 07:24:49 صباحاً »
انا مريضة تعبانة جدا جدا؛ ادعولي بالشفاء بظهر الغيب. عندي ألم في كل مكان في جسمي. مكنتش كده طبعًا وكنت زي الفل بشوف بيتي ومصلحتي ومصالح زوجي واولادي، من غير طلب مساعدة من أحد. قائمة بكل واجباتي على أكمل وجه.

دلوقت انا لي ٣ شهور تعبانة، كل يوم فيه حاجه بتوجعني غير التانيه. مرة ظهري، أصرخ من الألم، ومرة صداع، ومرة جمبي، ومرة دراعي وكتفي.. مرة الضغط يعلى جدا او ينزل جدا، مرة قلبي نبضه يزيد جدا، انا بقيت اتكسف اقول لزوجي اني تعبانه.. وابكي مع نفسي واتحمل الالم واحاول اعمل أي حاجه في البيت، ذائد الاكل... بس والله ما قادره اتحمل، تعبت من المسكنات والحقن، تعبت والله وياريت الالم بيروح.. لكن -الحمد لله- بيفضل موجود.

جوزي مش متحمل كده، وعلى طول عصبي ومتنرفز عليّ وعلى العيال.. وده حقه، عايز ييجي بيته يلاقيه نضيف متروق وهادي. هو مش مستحمل تعبي ابدا، وانا ماليش حد، لا أب ولا أم، ومتغربه اصلا عن اهلي.

ومش مخليني لي علاقة بأي جاره.. ولا حتى اقدر اطلب مساعدة من أي حد، اصلا مش باخرج من البيت علشان حد يلاحظ غيابي. ويسأل عليّ ولا على االعيال.
 
انا مش عايزه حاجه، بس انا لوحدي وكنت محتاجه اتكلم مع حد أي حد. احكيله ويدعيلي.

ممكن تدعولي ربنا يشفيني وارجع زي الاول، علشان جوزي زعلان اني مش بشوف شغلي كويس. وانا والله على عيني زعله علشان غصب عني.

ارجوكم ادعولي، الدعوة بظهر الغيب مستجابة. وانا لا اعرفكم ولا تعرفوني.. أسألكم الدعاء كتير.

جناح طاير

  • Sr. Member
  • ****
  • مشاركة: 265
    • مشاهدة الملف الشخصي

رد: ادعولي بالشفاء بظهر الغيب

« رد #1 في: أيار 28, 2021, 07:32:03 صباحاً »
لا حول و لا قوة الا بالله العلي العظيم؛ ربنا يشفيكى و يعافيكى و يخفف عنك يارب. بس معلش حاولى تكشفى وتشوفى صحتك و تتابعى مع دكاتره.

اللهم رب الناس، أذهب الباس، اشفها؛ أنت الشافي؛ لا شفاء إلا شفاؤك، شفاء لا يغادر سقماً.

ربنا يقومك بالسلامة ويشفيكي شفاء لا يغادر سقمًا.

ربنا يشفيكي ويديكي الصحة والعافية.

مستشار

  • Sr. Member
  • ****
  • مشاركة: 362
    • مشاهدة الملف الشخصي

رد: ادعولي بالشفاء بظهر الغيب

« رد #2 في: أيار 28, 2021, 07:36:38 صباحاً »
١. أولا تصلي الصلوات الخمس ولو جالسة ولا تتركيها.
٢. أعوذ بالله من الشيطان الرجيم ١٠٠ مرة في اليوم.
٣. اللهم صل وسلم وبارك علي سيدنا محمد وعلي آله ١٠٠ مرة في اليوم أو أكثر.
٤. أستغفر الله. ١٠٠ مرة أو أكثر.
٥. لا إله إلا الله ١٠٠ مرة أو أكثر.
٦. لا حول ولا قوة إلا بالله ١٠٠ مرة أو أكثر.
٧. بسم الله الرحمن الرحيم قبل البدء في أي عمل.
٨. عدم تناول المسكنات بدون إستشارة طبيب.
٩. عدم الإكثار من النوم.
١٠. عدم تناول البهارات الحريفة والأكل المسبك.
١١. عمل تمارين رياضية بإستمرار مع ذكر الله.
١٢. التفاؤل واشغلي نفسك بالقراءة وخصوصا قراءة القرآن.