المحرر موضوع: هل انا غلطانه في حق خطيبي كده؟  (زيارة 31 مرات)

محتار

  • Full Member
  • ***
  • مشاركة: 227
    • مشاهدة الملف الشخصي

هل انا غلطانه في حق خطيبي كده؟

« في: أيار 28, 2021, 12:20:35 مسائاً »
بحب واحد، حب سنه ونص، هو محترم معي؛ قبل ما يتكلم معايا قال لأهلي ان معاه اخته بيجهز فيها، أهلي ردوا عليه قالوا له خلص نفسك وتبقي تيجي. فضل هو متواصل معايا، ومع عيلتي كمان، بس انا كانت عاوزاه يخطبني؛ بعد كده هو براحته يجهز في اخته، بس هو مش راضي؛ بيقلي اختي أهم.

اتفق معي بعد ما تتجوز اخته هييجي يخطبني، كان جواز اخته شهر ١، حصل مشكلة معاهم، الجواز أتأجل؛ قالوا قبل رمضان باسبوع ورجعوا أجلوا تاني بعد عيد الفطر، واتجوزوا.

جيت انا اتكلم معاه اقوله كده اختك خلصت، باقي انا تيجي تخطبني، قالي معايه شوية ظروف، وديون لازم اسددها -باقي من اختي- الايام دي لا اقدر أعمل حاجه، قلتله يعني ايه؟ هترجع في كلامك تاني! قالي على العيد الكبير يكون خلصت، بس هجيبلك دبله، قلتله منظرك ايه قدام الناس لما تجيلي بدبله بس؟ قالي لو عايزة كده اصبري عليا لما الحال يتعدل، اعمل اللي انتي عاوزاه، لو مستعجله اجيلك بدبله دلوقتي نلم الموضوع! انا رديت عليه قلتله كل اللي بتعمله بتعطيه لأختك، مش بتخلي حاجه لنفسك، أهلك كل ما تعمل حاجه بياخدوها منك؛ اللي لا ترضاه على أختك لا ترضاه عليّ.

هو تضايق جدا مني، قال أختي أهم مني، زي عرضي؛ ربنا أمرنا بالسّتر. قالي بدل ما انتي تقفي جمبي، بتدوري على نفسك، انتي ما تعرفيش أصول.

خليكي في بيتك، اللي فيه نصيب هيكون، من ساعتها مش بيكلمني؛ هوا انا غلطت معاه عشان نكون سوا مع بعض؟

مستشار

  • Sr. Member
  • ****
  • مشاركة: 279
    • مشاهدة الملف الشخصي

رد: هل انا غلطانه في حق خطيبي كده؟

« رد #1 في: أيار 28, 2021, 12:23:53 مسائاً »
انتي ليه بتعقيدها على نفسك وهوه مسهلها عليكي؟ وراجل جد ومحترم ومسؤول وعند كلمته وبيقولك ممكن اخطبك بدبله بس؛ وهذه خطوة جيدة؛ بحيث لا يتقدم أحد لكِ غيره فتصبحين محرجة؛ لو كنتي غير مخطوبة له؛ خاصة لو تقدم لكِ عريس مناسب.

ثم عندما يخطب ويتفق مع اهلك على جدول زمني محدد لإتمام الزواج مثلا في خلال سنة أو سنة ونصف وهكذا. وساعتها سيكون مسؤول وملزم لأنه معطي كلمة.

الخطوبة فقط الان شيء جيد؛ ومناسب لطاقته؛ وبعد كده خطوة خطوة؛ وبالتوفيق.