المحرر موضوع: بابا عايز يتجوز بعد ما ماما ماتت  (زيارة 90 مرات)

محتار

  • Sr. Member
  • ****
  • مشاركة: 331
    • مشاهدة الملف الشخصي

بابا عايز يتجوز بعد ما ماما ماتت

« في: نيسـان 26, 2021, 12:52:15 مسائاً »
انا بنت وحيدة وعندي اخ امي الله يرحمها كانت بتشتغل في وظيفة محترمة كانت كل حاجة لينا وليا انا بالذات لاني الصغيرة كانت معايا طول الوقت حتى لما اغتربت في الجامعة كانت عايشة معايا وعارفه كل تفاصيل حياتي صحابي كانو حسين اني عيلة عشان ماما بترن كل شوية تشوفني وتطمن عليا ماما كانت روحي.

بابا بقى كان مش متفاهم معاها بس كانت هي اللي بتصرف علينا وكانت الحياة مستمرة.

بابا كان بيعرف واحدة ارملة وماما كانت عارفه وساكته وانا عرفت من فون بابا انه على علاقه بيها؛ ماما عمرها ما اشتكت من مرض ولا رقدت ابدا.

فجأه وانا ف الجامعة تعبت دخلت المستشفى، فجاة عايزة عملية قلب مفتوح، فجأة عندها ضعف في الكلى، فجأه كل حاجه طلعت بايظه، نزلت لأمي بسرعة قبل العملية الشقة اللي احنا عايشين فيها كانت باسم امي هي اللي اشترتها فكتبتها باسمي قبل العملية لان اخويا متجوز وهي بردو اللي شريالو شقته.

المهم امي عملت العملية وفاقت ودخلتلها وكنت بعيط اوي قالتلي متخفيش هعيش عشانك.

بس ماتت وسابتني.

دلوقتي بابا عايز يتجوز الست اللي ذكرتها هنا في شقة ماما.

انا رفضت، ومسود عيشتي، ومش هوافق ابدا.

انا بفكر اعمله محضر بس خايفه؛ هو بيقولي غصب عنك هتجوزها هنا انا قولتله اتجوز بس هاتلها شقة.

اخويا واقف معايا بس عايز نص الشقة وبيقول حقه؛ ده غير ان ليه فلوس من معاش ماما في البنك باسمي انا، هو عايزها.

انا مش عارفه اعيش ومش هسمح لبابا يتجوز هنا؛ قولولي اعمل ايه ارتاح ازاي؟

والله انا من غيرها بموت مش هتحمل اللي كانت حارقه قلبها تيجي تعيش مكانها حد يقولي ايه الصح!

مستشار

  • Sr. Member
  • ****
  • مشاركة: 358
    • مشاهدة الملف الشخصي

رد: بابا عايز يتجوز بعد ما ماما ماتت

« رد #1 في: نيسـان 26, 2021, 12:54:04 مسائاً »
من الواضح ان ابوكي وأخوكي ...

ابوكي عايز الشقه اللي بإسمك! وأخوكي عايز يساعدك بمقابل (يعني سبوبه).

ملكيش غير حل انك تشوفي حد من أعمامك او أخوالك يقف معاكي، ولو مفيش يبقى محضر في قسم الشرطة وريحي راسك.

إنسان حر

  • Hero Member
  • *****
  • مشاركة: 547
    • مشاهدة الملف الشخصي

رد: بابا عايز يتجوز بعد ما ماما ماتت

« رد #2 في: نيسـان 26, 2021, 12:55:06 مسائاً »
معندكيش خالات او اخوال او صديقات مامتك الله يرحمها يقفوا جمبك؟

ربنا يقويكي ويتولاكي وينصرك ويرزقك بزوج ابن حلال يكون عوضك وسندك يارب.