المحرر موضوع: جوزي طلقني بس لسه بحبه  (زيارة 70 مرات)

محتار

  • Full Member
  • ***
  • مشاركة: 244
    • مشاهدة الملف الشخصي

جوزي طلقني بس لسه بحبه

« في: نيسـان 26, 2021, 01:07:16 مسائاً »
انا 24 سنة كنت متجوزة وعندي طفل جواز 3 سنين، قعدت معاه سنتين بس والسنة التالتة مشاكل كل شوية بغضب بسبب بيت العيلة وكان بيضربني ويهيني واتبهدلت جامد مع اني حبيته واخترته وسيبت المدينة وعيشت معاه في الريف.

حصلت مشكلة بيا وهو ضربني، عملي ضعف سمع.

مشت لأهلي عملنا محضر قالي اتانزلي فاتنازلت وروحت لقيت أهله حالفين مدخلش البيت، راح قعدني في بيت قديم اوضه بحمام بمطبخ مش جاهزين واخدوعفشي.

اتحملت عشان اعيش بس هو هاجرني؛ كان بيجي على النوم، وطول اليوم عند اهله، غير الضرب والاهانة.

لما اعترضت علي العيشه كدا قالي ترجعي تعيشي وتخدمي اهلي؛ رفضت ارجع لاهله عشان سبوني في شرفي واخدو شقتي وعفشي.

راح هو ضربني وخنقني.

مشيت وهددني ياخد ابني؛ مشيت لأهلي راح هو عملي محضر اني مشيت واخدت الدهب وحاجتي وانا ماخدتش حاجه.

حاولت اكلمه اصلح معاه مقبلش؛ حاولت ادخل وسيط مقبلش؛ وراح طلقني غيابي.

رحت اشتكيت بالنفقه والعفش.

وانا القايمة بتاعتي مكنتش مكتوبة صح؛ اللي هو مكتوب مثلا اوضة نوم بس مش متوصفة ومكنتش كاتبة نص الحاجة.

راح جابلي حاجات قديمه وبدل عفشي؛ ومجبليش حاجتي الحقيقية وقال ده الي موجود في القايمة.

لميت حاجتي من الشارع انا واهلي ومشينا؛ حاولت اكلمه عشان اصالحه عشان الولد قالي لا، الله يسهلك، انا مش عايزك ومش راجع.

كسرني.. وانا بعد كل الي حصل لسا بحبه؛ قلبي مكسور ومدمر ومش عارفه اعمل ايه.. سابنا ورمانا وهيتجوز مش عارفه اعمل ايه؟

إنسان حر

  • Sr. Member
  • ****
  • مشاركة: 349
    • مشاهدة الملف الشخصي

رد: جوزي طلقني بس لسه بحبه

« رد #1 في: نيسـان 26, 2021, 01:10:54 مسائاً »
حل موضوعك وياريت تعملى بنصيحتى انك ترفعي تمكين على الشقة بس المهم تشوفي محامي شاطر واتنين من الجيران اللى كنتى ساكنه جنبهم يشهدو انك اتجوزتى في الشقة ديه.

هتاخدي التمكين لو لسه على زمته هيتحكم بالتمكين للطرفين انتي وجوزك؛ لو مطلقة حتاخدي حكم بالشقة لوحدك؛ وبعد ما تاخدي التمكين لو هوه بتاع مشاكل يبقا هيعاند ومش هيساومك على الشقة وانتي بقا وقته اول ما تدخلى البيت تخطبي راسك في الحيط وتشتكي أمه أو ابوه أو هوه وأنهم ضربوكي عشان عايزه تستلمي شقتك بعده تروحي تقعدي في بيت ابوكي وتحطي رجل على رجل وتتشرطي براحتك.

بس نصيحة؛ متطلبيش ترجعيله تاني لانه من كلامك انتي مش فارقله خالص ولو حبيتي ترجعي ابقا اعملي قائمة جديدة بتفاصيلها.

غادة الكاميليا

  • عضو جديد
  • *
  • مشاركة: 5
    • مشاهدة الملف الشخصي

رد: جوزي طلقني بس لسه بحبه

« رد #2 في: نيسـان 27, 2021, 09:28:08 مسائاً »
على فكرة ما اعتقدش انك لسة بتحبيه! انت بس صعبانة عليكي نفسك، ابدئي صفحة جديدة واهتمي بنفسك واثبتي له أنه هو اللي خسرك!