اختنا (ر.ا) تسأل: ايه الكليات الكويسة في سوق العمل غير طب وهندسة وصيدلة؟ وللسؤال عِدَّة صيغ، منها: ماهي أفضل التخصصات الجامعية المطلوبة وظيفياً بعد التخرج ؟ أو: ما هي أفضل الكليات من حيث العمل في مصر (للبنات أو الشباب).
الرد (بُناءً على تجارب واقتراحات مختلفة)
بداية؛ مش شرط. شهادة الكلية عبارة عن اثبات انك متعلم وبس. لكن الحياه العملية مختلفة تماما وعايز تبقى مطلوب فى سوق العمل خدى كورسات فى الحاجة المطلوبة فى المستقبل، زى مجال الالكترونيات والبرمجيات -مجال قوى جدا- والتسويق الالكترونى، اى حاجة متصلة بالتكنولوجيا.
وتانى حاجة اتعلمى لغة كويس جدا، لان ده خلاص بقى شرط فى اى شغلانة، واتعلميه قراية وكتابة كويس جدا.
وعلى فكرة فيه ناس بتشتغل في بتشتغل في مجال واكتشفت انه مجال مطلوب جدا، مجال السلامة safety، مطلوب جدا ونادر وقليلين اللى شغال فيه. ودي عبارة عن كورسات فى السلامة والصحة المهنية.
او اختار اى مجال تتعلم فيه سلامة، لان السلامة ممكن تشتغل فيها فى اى مجال، زى مجال الانشاءات او مجال ادارة المخاطر او مجال المطارات او مجال ادارة الازمات. وكل ده مرتبط بكورسات بس هى بتبقى غالية شوية، بس ده المستقبل فعلا.
وعمومًا هذه بعض اقتراحات الناس من أجلِك
١. اقتصاد وعلوم سياسية مع MBA من الجامعة الامريكية تشتغل في بنك بمرتب عالي.
٢. أي حاجه فيها لغات متعددة تبقى كويسه.
٣. السُن أو أي لغات مع دبلومة موارد بشرية جامعة امريكية مطلوبين جدًا في بنوك وشركات و سياحة وأي مكان.
٤. أي مجال تتفوقي فيه هتلاقي
شغل. ركزي في التفوق في حاجة بتحبيها.
٥. تمريض كويسه جدًا وممكن تسافر بيها بره، والممرض بره بياخد كويس جدا قريب من الدكتور.
٦. البرمجة حلوه بس الكارير مش سهل وعمره قصير، لكن لو هتسافر بيه بره يبقى كويس طبعًا.
