خذ بالك اي حد يقول لك حل عنيف وهمجي هو نفسه لا يجرؤ عليه على الاقل من باب الحكمة مش لان الجبن سيد الاخلاق مثلا. فافضل حل انك لو ظروف شغلك بترجعك متاخر عن الناس كلها ففرصة انك تركن بسهولة منعدمة. تشوف جراچ باي طريقة في العمارات المجاورة.
هتضحي بمبلغ يمكن يزنقك؛ بس هيحافظ على سيارتك وسلامك النفسي وعلاقتك بجيرانك.
وعلى فكرة انا مش باقول لك كلام نظري؛ انا سكنت فترة في المهندسين وبعدها الزمالك وبعدها المعادي.
ومن الخناقات على الركن عمري ما فكرت اشتري عربية؛ وكنت دايما اقول التاكسي تحت باب البيت.
لما جيت التجمع اضطريت اضطرارا اشتري
عربية.
وكل بيت كنت اروح اتفرج عليه وانا باعزل كنت اتصفح الشارع اذا فيه مشكلة ركنة عشان مش عاوزة مشاكل مع جيراني؛ لان فيه مناطق الشوارع اصلا ضيقة جدا والاشغال عالي وحياة الناس بدون جراج فيها مأساة حتى هنا في التجمع. ومناطق ثانية العكس تماما
