لمعلوميتك، لو متاح حاليًا أمامك شقة برووف أو شقة بجنينه؛ انتبه إلى الافضل وتعرَّف على المميزات والعيوب اللى المفروض تاخد بالك منها.
١. الروف
الدور الأخير حر جدًا في الصيف ومخالف؛ الأرضي مشاكل العمارة كلها من صرف أو أي مشاكل في المناور بتصب فيها؛ غير الحشرات.
٢. روف الأرضي معناه ان المواسير كلها اخرها عندك، فلو حد فوقك بيتصرف غلط هيعملك انت مشاكل، وكمان الحشرات بتاعت الجنينه، ومكشوفة كمان! انما الروف مفيش حد كاشفك.
٣. الجنينة حلوة لكن محتاجة تكلفة زراعة وصيانة كبيرة. الروف يمتاز بالخصوصية وممكن البرجولا تقضى على فكرة الحر وبالليل بتكون السهرة فيه تحفة.
٤. لو رووف لازم يكون فيه اسانسير، مش وعد بعمل اسانسير! وتراعي الاتجاهات، يعني بحري، قبلي، شرقي، غربي؛ علشان ده هيحدد درجة الحرارة اللي هيتأثر بيها لو مفيش
تكييف. وطبعا خزان ماية منفصل، وموتور منفصل، او ماسورة ماية منفصلة من علي موتور العمارة، وممكن استغلال فوق الروف في الزراعة وده هيقلل الحر جدا.
٥. شقة بجنينة في وسط العماير يبقي مش هتستفاد بالجنينه، يعني لازم يبقي امامك هواء وبراح، مش اي واحد طالع العمارة يبص عليكم بجنينه او اي واحد يبص من بلكونته يشوفكم قاعدين في جنينه؛ يبقى شقة برووف، والرووف ينظبط مرجيحة وشوية زرع وحركات.
٦. بالنسبة للخصوصية؛ لو حواليك عمارات اعلى منك هيبقي الروف مجروح زي الجنينة بالظبط فانت اللي تقدري تحدد. مشكلة المواسير والصرف لو
الشقة في الارضي حلها عمل صرف مستقل للشقة. الروف لو مش مجروح واتشطب حلو واتعمل فيه نجيلة صناعي وزرع هيبقي زي الجنينة بالظبط واحسن.
نهايةً؛ كل حاجة منهم ليها مميزات وعيوب؛ بس مميزات الروف احسن شويه، وعيوبه ممكن تتحل، إنما الأرضي عيوبه صعبة وحلها مكلف.
