المحرر موضوع: حل التخلص من السمنة بواسطة عمليات التكميم أو تحويل المسار  (زيارة 21 مرات)

جناح طاير

  • Full Member
  • ***
  • مشاركة: 187
    • مشاهدة الملف الشخصي
اخت لنا سألت عن حل التخلص من السمنة بواسطة عمليات التكميم أو تحويل المسار.

اولا: لازم تتفهمي كويس ان السمنة مرض قاتل، ومش بس مجرد مرض يؤثر على نفسيتنا وشكلنا وحركتنا فقط، السمنة يسبب كل الامراض القاتلة؛ واهمهم السكر - الضغط - دهون على الكبد - مشاكل المفاصل والعمود الفقري ومع الوقت بيؤثر على الاعصاب.

طبعا غير التأثير النفسي والحركي والاجتماعي.

(السمنة لا يقل خطورة عن السرطان)

ثانيًا: الدراسات والتجارب والعلم اثبت أن الوزن (PMI) لما بيوصل لنقطة معينة احتمالات نزوله للطبيعي بشكل دائم بتقل جدا جدا، وفى الغالب بيحصل ( يويو ) في الوزن.

كمان ان الموضوع في معظم الحالات بيكون أكبر من قدرة المريض نفسه، لأنه مرتبط بثقافة المريض في الحياة، وكمان كمياء المخ.

هل ده في كل الحالات؟
لاء طبعا. لكن في معظم الحالات اللي بتشتكي من السمنة.

والدليل على هذا:
كام في الميه من اللي نعرفهم بيعانوا من السمنة المرضية غيروا حياتهم بشكل دائم ؟
وكام في الميه غير حياته لمده شهور ورجع تانى للسمنة ؟

الخلاصة: الموضوع في معظم الحالات أكبر من المريض نفسه.

ثالثًا، طيب هل فيه مخاطر من العملية ؟
المخاطر شبه معدومة. لان التطور العلمي وصل فيها لمراحل مبهرة فعلا وبدون أي اثار جراحية على المدى البعيد، طبعا ده بيتحدد على مستوى الدكتور نفسه والمكان واعتبارات تانيه مهمة.

رابعا؛ ازاى بنحدد نوع العملية؟
حضرتك بتحددى تكميم او تحويل مسار مع الدكتور، وفقا لحالتك الصحية، وكمان لاعتبارات تانيه زي ثقافتك واسلوب حياتك والتاريخ المرضى للعائلة و .. و.

خامسًا؛ هل فيه اثار محتمله للعملية أو تغير مش مريح في شكل الحياة؟
التجربة قسمين:
اولهم: الفترة اللي تخسي فيها، ودي اثارها جميلة اوى اوى، وهتتعرفي على نفسك من جديد ولبس تانى و..و..و.
ثانيهم: على المدى البعيد، تعيشي زي الناس السليمة الخفيفة.

والاهم من هذا؛ انتى بتحمى جسمك من امراض قاتلة كانت هتصيبك بشكل حتمي.

سادسًا واخيرًا: اسألي الاطباء في المجال ده، واصحاب التجربة الحقيقية. مش اصحاب الآراء عن تجارب الاخرين.