تسأل؛ انا مقدمه على شغل في مدرسة انترناشونال لمرحلة الكي چي عربي، وهم طالبين مني في المقابلة (ديمو عربي كي چي)؛ ممكن حد يفهمني معنى الديمو ده عشان مش فاهمه اعمل ايه ؟!
مع العلم اني حاصلة علي دبلومة تربوي وعندي خبرة بالتدريس، بس مصطلح الدامو دا أول مرة اسمعه؛ فياريت حد يساعدني عشان احضر نفسي للمقابلة وشكرا مقدمًا.
الردمعنى الديمو هو انك تحضري درس كأن الأولاد موجودين في الفصل؛ كأنك بتشتغلي في الدراسة بالظبط.
تعملي ديمو يعني تشرحي درس بطريقة عملية؛ تاخدي معاك نماذج أو اشكال أو رسومات تخدم موضوع الدرس.
هتحضري اكتيفتي للدرس اللي هتشرحيه؛ وده أهم حاجة، ولازم تكوني كراييتف في الشرح، اسلوبك، كلامك، ومخارج الحروف تكون صح.
انتي هتدرسي كي جي وان مثلا، وهتعملي درس عن حرف (ف)، هتعملي اكتيفتي للحرف ده وتبدأي تشرحي كأن حد قصادك.
ابدأي الديمو من اول صباح الخير لآخر اشوفكم بكره يا حبايبي ♥
