المحرر موضوع: ما أفضل طريقة جادة ومنجزة للتسويق العقاري ؟  (زيارة 79 مرات)

جناح طاير

  • Sr. Member
  • ****
  • مشاركة: 265
    • مشاهدة الملف الشخصي

ما أفضل طريقة جادة ومنجزة للتسويق العقاري ؟

« في: أيار 31, 2021, 11:02:16 صباحاً »
سؤالي فِعلا: ما أفضل طريقة جادة ومنجزة للتسويق العقاري لو عاوز أبيع شقة أو فيلا أو أي وحدة ؟ لأن للأسف؛ سماسرة العقارات بيخسفوا بتمن الشقق -إلا ما رحِم ربي- والسبب مفهوم.

وموضوع حارس العقار والجار، كل ده ما جابش مشتري، والاعتماد عليهم لا بيقدم وبيأخر وعن تجربه.

والنشر من خلال الجروبات وجع دماغ، والسعر على الخاص و up وناس بتفاصل وطالبه تفاصيل وصور ومش عاوزه تشتري من اساسه، ولا امكانيتها تتوافق مع السعر المعلن.

ما أفضل طريقة جادة ومنجزة للتسويق العقاري؛ وحسب بورصة العقارات، يا ترى السوق الايام دي نايم و لا ميت !

الرد

لازم يا جماعه تكتبوا كل التفاصيل في البوست وترفقوا صور.

محدش هيدخل يقول صور، ومش هيدخل يكلم حضرتك الا اللي الاعلان متوافق معاه.

انا بشوف حجات تغيظ؛ واحد كاتب: شقة ب ٨٠ الف فقط لسرعة البيع والسفر. ويطلع ده المقدم، ودي شركة، وفيه أقساط، والشقة لسه متبنتش اصلا !

الحقيقة انا سمعت ان فيه ناس باعت شققهم على OLX بدون سمسار؛ جرَّب.

نصائح لتسويق عقاري ناجح
  • تصوير العقار كويس جداً.
  • تكتب كل مميزات العقار بالتفصيل.
  • تكتب السعر اللي طالبه.
  • تكتب فيه تفاوض ولا لا، ونظام السداد.
  • تكتب موقع العقار بالتفصيل.
  • وعليك وعلى OLX.
وموضوع السوق نايم او لا؛ ده عرض وطلب، يعني حتى لو مفيش حركة بيع و شراء بس حاجة حضرتك مناسبة لحد هيكلمك.

حال سوق العقارات حاليًا
حاليًا سوق العقارات في مجال اعادة البيع هادي جدا؛ ده لاسباب كتيره اهمها انك ممكن تشتري العقار اللي يعجبك بمقدم بسيط نسبيا مع تمن العقار وتستلم ب ١٠٪؜ مقدم وباقي فلوسك معاك بتدفع اقساط لمدد توصل ل ٦ سنين.

فمفيش سبب منطقي يخليني ادفع ملايين كاش لما ممكن ادفع منهم ١٠٪؜ او ١٥ ٪؜ واستلم.

حضرتك عاوز تعمل اعاده بيع لوحدتك؛ تبعد تماما عن السماسره والبوابين؛ ده اولا.

ثانيا؛ تحدد بنفسك سعر عادل لوحدتك بناء على عدة معايير؛ اهمها موقع الوحدة والفيو والدور وحالة التشطيب؛ وتحط نسبة تفاوض بسيطة على سعر الوحدة؛ عشان مفيش حد مبيفاصلش؛ تحاول تخلي فيه حبة مرونة في السداد مع ضمان حقوقك كامله طبعا.

ثالثا؛ وده الاهم؛ اعرض وحدتك عند شركة محترمة ليها اسمها في السوق أو اتنين بالكتير؛ و ده لمصلحتك اولا.

كل العارضين بيفكروا انهم كل ما وحداتهم اتعرضت في اماكن اكتر كل ما ده زود فرص بيعها؛ والحقيقه على العكس تمامًا.

اخيرا لازم حضرتك تعرف ان فيه مدى زمني لبيع الوحدة؛ لازم حضرتك تصبر عليها؛ وان المدي الزمني ده بيختلف حسب تميز الوحدة. بس عمومًا ممكن يكون من ٦ شهور لـ ٨؛ بالتوفيق يا فندم.