المحرر موضوع: مفيش بوكس تليفونات قريب مني ومش عارف اركب خط تليفون ولا نت  (زيارة 66 مرات)

مستشار

  • Sr. Member
  • ****
  • مشاركة: 361
    • مشاهدة الملف الشخصي
(م.م) يقول: المكان اللي انا فيه مفيهوش بوكس، وأقرب بوكس ليا على بعد ٦٠ متر ومفيهاش مكان، الفني قالي إن لازم يكون فيه بوكس موجوده في حدود ٥٠ متر عاشن تركب التليفون الأرضي ثم النت.

رحت قدمت في شركة we وعملت شكوى، وقالوا خلاص، طالما الفني قال مفيش مكان ومينفعش يبقي خلاص.

وبعدها بشهر، ناس بيتهم قدام بيتي بالظبط وصلوا، ايه الحل معاهم ؟!

الرد


الناس اللي زي الموظف ده، الرسول عليه أفضل الصلاة والسلام دعا عليهم بالمشقة في حياته، قال "اللهم من ولي من أمر أمتي شيئاً فشق عليهم فشقق عليه، ومن ولي من أمر أمتي شيئاً فرفق بهم فأرفق به".

للأسف تجارب الناس مريرة في الرشوة في الموضوع ده.

١. بعد ما كان مفيش مكان لتليفون ولا نت، قلتله هظبطك، قالي هشوف، كلمني قالي فيه مكان لتليفون من غير نت؛ قلتله هروق عليك بس تعالى ركبه، أعطيته ٢٠٠ جنيه، بقى فيه مكان نت وتليفون، ولو كنت عاوز dvd كان جابلي.

٢. حصل معايا نفس الموضوع، ومدير السنترال قال مفيش حل، وصلت للفني وظبطته بـ ١٠٠ جنيه، تاني يوم جه ركب وخلص كل حاجه.

٣. انا اعدت شهرين اقدم شكاوي ولا حياه لمن تنادي؛ كرمشتله ٣٠٠ جنيه شال خط واحد وحطني (للأسف، شيء بشع).

كانت هذه آراء الناس ممن مرّوا بنفس المشكلة.

وبالنهاية؛ طالما الفني كده، قدم شكوي في الشركة، تعنت ليك، في الجهاز القومي لتنظيم الاتصالات.