الأخت (ن.ج) تطلب نصائحكم في ميعاد كتب الكتاب؛ وتسأل؛ من فضلكم انا كنت هعمل كتب كتابي على يخت، وفيه ميعادين متاحين: من ٤ العصر لـ٦؛ أو من ٩ بليل لـ١١.
الميعاد الاول مشكلتي في الميك اب وهل هيبقى الجو حر؟
اليوم اللي هعمل فيه درجة الحرارة ٣٥.
والميعاد التاني مشكلتي تطلع الصور مش حلوة!
محتارة مش عارفه اختار!
الرد
للأسف فعلا الكلام واقعي. وانسب حل انك تخلصي ميكب قبل المغرب وتعملى فوتوسيشن في أي مكان تاخدوا صور كويسه بإضاءه حلوه، وبعدين استنو لميعاد الساعه ٩، ومع التصوير الوقت هيجري.
المعاد الاول ده مع الحر والناس اللي جاينلكوا والطريق، هيبقي صعب شويه.
وممكن بردو لو اليخت عليه مراوح تمام، لكن لو مفيش هيبقى حر وتلزيق. هو صحيح بيبقى فيه دور مكيف بس بيبقى مقفول، فمش هينفع تنطلقوا فيه، وهيبقى احسن بقى شقة. امال يخت ليه لو هو مقفول!
بصى، في الاخر الاختيار نفسى وراحة.
لو منك اروح بالنهار اشرب هناك حاجة واتخيل الوضع ايه.
