هو انا ازاي اخلي جوزي حنين؟ لإن معندوش ذرة حنية؛ يعني لو هو نايم وانا بتقطع ادامه بيكمل نوم عادي وبيعمل نفسه نايم وييجي الصبح يعرفني انه كان صاحي واقوله طب مقومتش ليه؟ يسكت..
ولو انا عند اهلي وتعبت وهو اتصل وقالوله بييجي بس عشان محدش يغلطه.
عمرى ما حسيت ان قلبه ملهوف عليا رغم أن هو لما بيتعب بعمل معاه الصح وانا بطبعي حنينه وهو دايما كان بيقولي كده. بس بصراحه بطلت احن عليه لانه هو بقاله ١٢ سنة مشوفتش منه حنيه حتى لو شافنى بعيط عمره ما اهتز ولو عيطتله في التليفون يقولي اقفلي ولما تخلصي ابقي كلميني.
حتى يوم عيد ميلادي والله من ساعة الخطوبة وهو لازم ينكد عليا فيه ده عنده أساسي.
تعبت من قسوته رغم انه بيقول انه بيحبني؛ مش الحب ده يعني حنيه ولا ايه؟
اتصرف معاه ازاي مش عارفه!
