المحرر موضوع: باطلب الطلاق بعد ١٧ سنة زواج  (زيارة 114 مرات)

محتار

  • Sr. Member
  • ****
  • مشاركة: 331
    • مشاهدة الملف الشخصي

باطلب الطلاق بعد ١٧ سنة زواج

« في: نيسـان 26, 2021, 05:51:00 مسائاً »
دلوقتي انا غضبانه عند اهلي من شهر ١ بسبب شتايم زوجي ليا بأقذر الشتايم قصاد الاولاد، وشتم بابا في بيتي عشان بابا كان جه يلومه علي الشتايم، فشتم بابا في بيتي ومنع امي من البيت ١٣ سنه؛ لأني متزوجه من ١٧ سنة.

وكان ضربني، فلما ماما اشتكت لعمته فمنعها من البيت لانه عنده اخوات بنات بيسمع كلامهم في كل حاجه ومش بيغلطوه.

بيكسر في البيت أي حاجة في الارض ويدوس عليه؛ ومش بيصرف، انا اللي باصرف. بابا بيديني فلوس واصرف، مش بيجيب الا خضار ولحمه  وفراخ، لكن الباقي انا بجيبه؛ من دفع نت وشحن موبايل ليا وهدوم العيد للاولاد ولبس مدارس ومصاريف.. كل ده كنت بعمله وبصبر عشان الاولاد واتهان واضرب بس بقول عشان خاطر الاولاد.

عندي ولدين؛ واحد في اعدادي والتاني في ثانوي.

لحد ما فاض بيا؛ شتايم وضرب لدرجه ضرب بيعلم في جسمي ويوجعني.

اقوله شفت عملت ايه يقولي انتي اللي بتجيبيه لنفسك.

ومكنتش بقول لاهلي لحد ما فاض بيا منه؛ لأنه النوع الكياد.

وكنت بدخل الاوضه اتجنبه يدخل يشتمني اقذر الشتايم بتاعة الشوارع قصاد الاولاد؛ حسيت ان هيجرالي حاجة فسيبت البيت من شهر واحد والاولاد بييجو كل اسبوع؛ ومكرههم فيا.

وانا طلبت الطلاق، بس هوه مش عاوز يطلق؛ لاني  مش قادره استحمل.

الاولاد اترجوني اروح، وانا قلتلهم لو هرجع ارجع بقعدة رجالة او ييجي ياخدني من عند أهلي.

هوه رافض قعدة الرجالة ورافض انه ييجي ياخدني ويعتذر؛ بيقول للاولاد انه مش غلطان.

واخواته اتصلوا بماما عايزيني ارجع من غير رجالة ولا حاجة ومعززين اخوهم؛ وطبعا انا رافضة.

المهم هوه طبعا عشان مارجعتش عمال بيلم في حاجتي ويبلغ العيال اني هابعت حاجاتها؛ وهوه مش عايز قعدة رجالة في أي حاجة، علما انه كل الحاجات انا اللي جيباها  من اجهزة وكله؛ حتي الكهربا كان بيخليني ادفعها عشان كان يشرط عليا لو مدفعتيش مفيش تكييفات تشتغل؛ وكنت بوافق عشان المشاكل.

هل اللي انا عملته اني سيبت البيت غلط؟ واهلي طبعا مصممين اني اتطلق منه لانه زوج مش هينفع.

إنسان حر

  • Hero Member
  • *****
  • مشاركة: 547
    • مشاهدة الملف الشخصي

رد: باطلب الطلاق بعد ١٧ سنة زواج

« رد #1 في: نيسـان 26, 2021, 05:52:46 مسائاً »
روحي البيت واتفقي معاه بالهدوء انك عايزاه تروحوا انتم الاتنين الأزهر فيه هناك قسم لم الشمل وحل منازعات الزوجين يمكن يهدأ ويتعدل ويحس انه غلط.