صديقنا (ر.م) يطلب مساعدة؛ محتاج أفكار أعمل بيها عيد جواز لأول مرة ؟
الردوكانت هذه بعض أفكار من أصدقاءنا أيضًا؛- الموضوع بسيط؛ ريح مراتك يوم في البيت، وهات حلويات، هتنبسط كتير.
- اعزمها في كافيه هادي وبعدين جبلها تورته واتمشوا في المول.
- ممكن
سيشن عيد جواز حلو ويكون بسيط؛ حسسها انكم كأنكم لسه عرسان جداد.
- الهدايا لها تأثير قوي؛ وبالنسبة للاقتراحات: لو زوجة يبقى حاجه ذهب أو فضة أو موبايل جديد أو هدوم أو شنطة أو برفان، مع خروجه حلوه أو سفرية كام يوم في اوتيل كويس حسب امكانياتك. ولو زوج يبقى حاجه للبيت، يعني مثلا زي ماكينة صنع القهوة، أو حاجة بسيطة كان نفسه فيها.
- لو هدية لزوجتك بعيد زواجكم احلى شيء يكون ليلتين أو ثلاث ليالي في شرم الشيخ، انت وهي فقط بدون الأطفال. ولما تحب تحجر في
الفندق تتصل عليهم تقول لهم انك هتحتفل بعيد زواجكم، وهم راح يدلعوكم.
- ولو مسافر/مغترب، يبقى ممكن تتفنن في رسائل حلوة تبعتها على واتس اب ورسائل SMS وماسنجر، اروشها حب؛ وأرشح لك:
مسجات عيد زواج سعيد لكل زوج وزوجة بهذه الذكرى السعيدة.
لو يوم حلو بقى؛ اقترح عليك:- رحلة إلى مطعم اللي في البرج اللي بيلف؛ بس احجز قبلها.
- فيه في السفن اللي على النيل، هتبقى خروجه عسل.
- كريستال بالاس بيعمل عرض عيد الزواج شامل تجميل الغرفة وتورتة وغداء أو عشاء وبيات، ممكن بـ600 جنيه أو اكتر حاجة بسيطة؛ وتحفة.. وربنا يسعدكم.
- في نايل كروز تحجز فيه يوم أوضه شامل عشاء اوبن بوفيه، وفطار، وبيزينوا الاوضه وعشاء رومانسي على الشموع.
- في مطعم مكان سيكويا، شيك وحلو على النيل، واسعاره لطيفة، وفيه ذا جريل في سميراميس المنيمم حلو جدا، وفيه سبكترا الشجرة، لطيف أوي أوي على النيل قدام كونراد، وعندك ممكن تسهروا في سونستا، اسعاره في النايت كويسة، والمطعم الإيطالي رائع.
- وممكن تقضوا اليوم ده كله في اسكندرية وتحجز قطر VIP وتروح تقعد على البحر وتاكلوا سمك في شعبان أو الكتعه.
- شوف كمان خاتوم بيروت في الجهة المقابلة للفورسيزون، نايل بلازا على شط النيل مباشرة، اكل لبناني وقعده ساحرة في النيل.
