المحرر موضوع: هو ليه الناس خايفة من لقاح كورونا؟  (زيارة 34 مرات)

جناح طاير

  • Full Member
  • ***
  • مشاركة: 186
    • مشاهدة الملف الشخصي

هو ليه الناس خايفة من لقاح كورونا؟

« في: حزيران 04, 2021, 02:27:36 مسائاً »
جمعنا لكم آراء بعض الناس حول الخوف من تلقي لقاح كورونا (coronavirus

ببساطة؛ التحذيرات اللي بتمضى عليها عشان تاخد اللقاح لوحدها تخوف، انت بتاخد اللقاح على مسؤوليتك الخاصة تقريبًا وبيخلى أي مسؤلية من على أي طرف تانى سواء المصنع او المستورد او المستشفى او الوزارة.

عشان الإنسان عدو ما يجهل؛ معندناش معلومات ولا دراسات كافية على آثاره الجانبية.

أي حاجة جديدة الناس بتخاف منها، كمان عمو ملحقش يعملوا عليه ابحاث ولا على اعراضه الجانبية على المدي البعيد، بس هنعمل ايه مفيش وقت للابحاث دي!

علشان احنا عندنا ١٠٠ مليون دكتور وكميه فتاوي واشاعات لا حصر لها.

لانه لقاح في مرحلة تجربة واي بحث علمي لازم يكون به موافقة مكتوبة من الاشخاص الموافقة انها تكون جزء من التجربة ومن حق اي حد يرفض بالطبع مع عدم وصمه بانه شخص غير علمي او ضد العلم، ايضا الشركات المنتجه للقاحات في مأمن من اي مسائلة قانونية لانه انتاجها للقاحات تحت بند الطوارئ، كل ده يعطي الحق للبعض انهم يخافوا، مع عدم اغفال معرفتنا بأشخاص تلقوا اللقاح واصيبوا بالمرض مع اشتداد الاعراض ودخول المستشفي والبعض يتابع الاعراض الجانبية للقاحات من موقع الامريكي ال VAERS.

إنسان حر

  • Sr. Member
  • ****
  • مشاركة: 304
    • مشاهدة الملف الشخصي

رد: هو ليه الناس خايفة من لقاح كورونا؟

« رد #1 في: حزيران 04, 2021, 02:42:04 مسائاً »
طيب انا هتكلم عن تجربتنا الشخصية مع والدي ووالدتي واعمامي وخالتي.

كلهم من ذكرتهم فوق ال٦٠ وبعضهم فوق ال٧٠.

والدي اخد السينوفارم وهو مريض سكر والحمد لله الجرعتين عدوا بسلام.

والدتي اخدت استرازينيكا واللي حصلها هو فقط ارتفاع درجة حرارة ليلة واحدة فقط واتحسنت مع البارامول وبعدها بقت كويسة والحمد لله.