المحرر موضوع: أريد اقتراحات هدايا لأختي في عيد ميلادها  (زيارة 49 مرات)

إنسان حر

  • Hero Member
  • *****
  • مشاركة: 547
    • مشاهدة الملف الشخصي

أريد اقتراحات هدايا لأختي في عيد ميلادها

« في: حزيران 04, 2021, 03:01:16 مسائاً »
(أحمد)، يسأل: أختي إن شاء الله منتظره مولود، لو عاوز اجيبلها هدية مناسبة في عيد ميلادها اجيبلها ايه ؟

الرد

أولا؛ طالما عيد ميلادها هاتلها حاجة تخصها هي حاجة تكون بتحبها. لكن هدايا البيبي للبيبي مش لعيد ميلادها. عيد ميلاد اختك يبقي تجيبلها هدية خاصة بيها: شنطة - برفيوم - شوز - اي حاجة ليها.

عيد ميلاد أختك يعتي هدية شخصية، حدد الأول الهدية في حدود كام، هتقدر تعرف الكاتيجوري اللي بتلعب فيها ، حسب المبلغ، وحسب هي بتحب ايه ؟ أو محتاجة ايه الفترة دي ؟؟ أو ايه اللي ممكن لو جبتهولها يفرحها أوي ؟ مش كل الناس اهتماماتها واحدة .. فيه ناس ممكن تفرح بوردة، خروجة حلوة ، عزومة على العشا ، فستان شيك، شنطة، سفرية مثلا رايح جاي السخنة او اسكندرية تغيير جو قبل الولادة ، حاجة فضة، ساعة، برفان، حاجات كتير أوي، بس المهم تعرف هي بتحب ايه ؟

ولو مُصِر تكون هدية للبيبي، فلو معاك ميزانيه من ٦٠٠/١٠٠٠ سرير خشب للبيبي يكون نفس طول السرير بتعاها يكون عمولة. ويكون فيه جنب من الجنبين السرير بتتحرك بحيث يلزق في سريرها، طقم ملابس اطفال + بمبرز رقم ١، مرجيحه للطفل، او تديها الفلوس وهيه تتصرف.

لكن نصيحة بجد، اديها الفلوس في ظرف ومعاها كارت فيه كلمتين حلوين منك ووردة صغيرة صناعي. لان ممكن تجيب لها حاجة عندها اصلا او مش محتاجها. وممكن تكون محتاجة حاجة وظروفها لا تسمح بها. وربنا يبارك لكم في بعض.