ليه نادرا ما بشوف راجل مش خاين ؟

[محتار]

يا جماعة شاركونا؛ ليه نادرا ما بشوف راجل مش خاين ؟

ليه كل شويه اسمع راجل خاين بشكل مختلف ؟

ليه مفيش راجل في الزمن ده فاهم يعني ايه بيت و أسره و انها مش بس علي الست الي انت جبتها تشارك معاك الحياه ؟

ليه اشوف واحد عنده سبعين سنه متحرش ؟ و غيره بيحب يتفرج علي الرقصات ؟

ليه التدين بقي ظاهرى بس اننا نقول حلال و حرام ..

طب ما انت بصك علي واحده عريانه حرام زى ما انت مش بتحب مراتك تحط مكياج أو تطلع ملفته ده حرام و برضه مطلوب منك تغض بصرك و لا دى نقره و دى نقره🤔
ليه مش ب نهتم بأن نوضح لولادنا أن الخيانه بتكون لربنا قبل الست الي معاك ؟
ليه بنوجع بنات الناس ؟

عايزه راجل خاين يقولي ليه بيخون؟ ؟ ؟ هل قله دين و لا قله تربيه و لا شيطان و لا بتكون ايه ؟

ليه الخيانه زادت اوى و ليه الرجاله مبقتش تتحمل مسؤولية بيت مع مراته و كل همه يديها فلوس و بس أو يخرجهم و يسبهم يطلعو لوحدهم البيت عشان هو يخرج لوحده أو علي قهوه ليه بتحسسوهم انهم تقال اوى كده ..

فين الموده و فين الميثاق الغليظ و فين السنن المهجورة مع الزوجه ليه دايما شايفين الست نكديه بالرغم ان انت معملتش الي ربنا و رسوله وصو بيه .. ده الرسول قال رفقا بالقوارير كأننا ازاز .. يعني لنا بنتكسر بتبقي صعبه اوى التحمل ..

لما بتبكي بيكون وجع و قهره محدش بيحس بيها غير ربنا ليه مفيش رحمه و ليه خيانه و ليه مفيش غض بصر و ليه التمثيل اننا متدينين . 

ليه يا معشر الرجال حد يناقشني لو سمحتم

[جناح طاير]

الموضوع كبير جدا ومحتاج ساعات للكلام بس الإختصار في المجتمع بمعني الراجل بيكون فعلا محترم لاكن الاجواء حواليه زفت يعني يفتح التليفزيون يلاقي مسلسلات مناظر زفت مع الافلام مع الأغاني ينزل الشارع يلاقي زفتين يروح الشغل يلاقي ازفت واضل.

المشكله كبيره مش صغيره

فلو مجرد كلام دى البدايه

يبقي لازم الاحتواء سريعاً

والمراقبة من غير مايحس إطلاقا

ولو لقتيه لسه بيتكلم حاولي اكنك مش عارفه

واحتويه اكتر واقفلي على بيتك

وحاولي تقربيه من ربنا اكتر

بس كل ده بالخطط بتاعتكم الجهنميه 😂😂😂وربنا يحفظكم يارب

[مستشار]

هو في طبعا. رجال محترمين. وبيصونو اهل بيتهم واولادهم وحياتهم

ولاكن. الدنيا دار ابتلاء، وليست دار جزاء.. كل انسان ليه درجه من درجات الخطأ. فى واحد خطئه. نظره. وفي كلمه وفي. علاقه كامله. كل انسان علي قد ايمانه واخلاصه. وقناعته بما يمتلكه. . كل ده بيكون سبب في ارتفاع رختر الخطأ او الصواب.

للاسف طبعا. ان الرزيله والخيانه. انتشرت بحكم تواجدنا بزمن التكنولوبيا والانترزفت. والسوشيال قطران. . كل ده ساعد اننا نشوف بلاوينا بث مباشر
الخلاصه.. محدش، معصوم من الخطأ. وفي نفس الوقت. الانسان مخير،. بين الصح وبين الخطأ

[جناح طاير]

بصي حضرتك الخيانه زي ما ذكرتي منها النظر وفيه عافانا الله الزنا وفيه كذا حاجه بس هقولك حاجه من واقع حاجه انا شوفتها

واحده كنت اعرفها كانت متزوجه وكانت عايشه ملكه بس للاسف متسلطه علي زوجها بمعني عايزه تمشي معاه في كل مكان ان واحده معرفه قالت له علي سؤال يبقي يوم مش فايت تمام واشياء من هذا القبيل
طيب يجي يطلبها في الحلال توافق مره وتمتنع مرات البسي ده وحطي ده لا مش هعمل المهم كان عايش في صراع معها ودام زواجهم ٢٥ سنه علي هذا النحو واتطلقت في الاخر وبيتهم حرب واولادهم تعبت
قصه زي دي تقدري تقوليلي الزوج يعمل ايه انا مش ببررله الخطا ولكن كان نفسه يعيش وياخد حقوقه بس للاسف

الست احيانا كتير مش بتشوف احتياجات الراجل ممكن يبص زي ما قولتي لست بترقص في تليفزيون او غيره او يطلق بصره علي بنات ونساء في الطرق الا من رحم ربي لكن فيه حالات الستات بتبقي فيه تقصير منها مع زوجها

اما فيه رجال كويسه وفيه رجال برضو عايشين مع زوجاتهم تمام ومش كويسين بسبب البعد عن الدين

وفي الاخر البعد عن الدين وعدم مراقبه الله عز وجل في كل وقت عدم الاهتمام بالذكر والقرآن والصلاه الاهمال فيها كل ده بيترتب عليه معاصي وذنوب من قبل الرجال

نسأل الله السلامه والعافيه