(م.ج)؛ يسأل: فيه طفل عنيد جدًا وما بيحبش يكتب غير كده [صورة مرفقة]؛ يعني بيكتب العربي معكوس من الشمال لليمين، والده بيسأل: ايه الحل السلوكي معاه (يتوجه فين) ؟
الرد
دة مش عند حضرتك دي اسمها الكتابة المرآتية mirror image writing ومحتاجة دكتور يتابع معاه عشان يعرف يربطها. هو بيكتب كدة غصب عنه مش عِند.
وبما ان الطفل اكبر من ٨ سنين، فهتتوجه به إما لطبيب نفسي متخصص في تقييم الاداء العصبي، أو اخصائي تعلم (ودول هتلاقيهم فى مراكز التخاطب وتعديل السلوك بس تاكد ان تخصصه صعوبات التعلم).
هما هيوجهوك تعمل ايه؛ والموضوع محتاج اشعة على الدماغ ولا مجرد تمارين وممارسة وهكذا.
