المحرر موضوع: كيف أضمن حقي عند شراء شقة؟  (زيارة 20 مرات)

مستشار

  • Sr. Member
  • ****
  • مشاركة: 293
    • مشاهدة الملف الشخصي

كيف أضمن حقي عند شراء شقة؟

« في: حزيران 05, 2021, 01:26:16 مسائاً »
(م.س) يسأل؛ دلوقتى انا محتاج اشتري شقة في التجمع، ومتابع مع كزا شركة من على الفيس بوك؛ وطبعًا كله قسط، والاستلام بعد عدة سنوات. السؤال: كيف أضمن حقي عند شراء شقة كهذه؟ ايه اللى يضمنلى ان الشركات دي متنصبش عليّ أو انهم يؤجلوا موعد التسليم عن المتفق عليه؟ وهل فيه شركات معينة حد اتعامل معاها وكانت كويسه؟

الرد
حضرتك تدور علي المكان إللي ليه سابقة اعمال محترمة وتنفيذ ومشاريع موجودة فعلا على ارض الواقع وتراخيص مظبوطة بدون مخالفات.

وفيه شركات محترمة وملتزمة موجودة في السوق والناس بتتعامل معاها من سنين بيراعوا ضميرهم في شغلهم.

××× لكن انا هانقل لك رأي أحد الأخوات من مرَّت بنفس تجربتك، تقول:


كان نفس تفكيري لما اشتريت.

معجبنيش عقود الشركات بعد ما قرأتها كويس لأنهم بيرفضوا يظهروها غير وقت التوقيع ودا شككني بالمناسبة.

لقيتها بتلغي حقوق المشتري وبتعظم حقوقها على حسابنا كمشترين وبتهرب من التزاماتها بدون شروط جزائية.

انت اتأخر في السداد = شروط رهيبة وغرامات تأخير وسحب الوحدة.

هي تتأخر = عادي؛ ما تلتزمش بالمواصفات والماكيت ونسبة البناء اللاند سكيب = عادي ومحدش بيحاسبهم.

لذلك؛ اشتريت شقة موجودة بالفعل من شخص عادي باني عمارة وبيبيع شقق منها بعقد اتوافق عليه من المحامي بتاعي. ودفعت نصف ثمنها كاش بشيك مقبول الدفع لإثبات السداد وطبعاً سلمته على صورة الشيك.

واستلمت الشقة بالفعل، وقسطت الباقي بشيكات آجلة مقفولة بالخطين -اللي بالورب فوق الشيك- لالغاء إمكانية تقديمه في غير ميعاده.

وعملت شيكات بالأقساط وسلمتها على حافظة، دا كان شرطي للشراء. لأنها فلوسي وانا اللي احدد الشروط وأحفظ حقوقي مش المطورين العقاريين؛ مع احترامي للجميع.


واقرأ هنا: ما أفضل طريقة جادة ومنجزة للتسويق العقاري ؟

إنسان حر

  • Sr. Member
  • ****
  • مشاركة: 304
    • مشاهدة الملف الشخصي

رد: كيف أضمن حقي عند شراء شقة؟

« رد #1 في: حزيران 05, 2021, 01:44:28 مسائاً »
كنت بعمل زى حضرتك السنة اللى فاتت ولما لقيت الموضوع مش مضمون وبالتالى مش مجدى نزلت بنفسى فى المنطقة اللى عجبتنى و بقيت ادور على الإعلانات المتعلقة على الشقق المعروضة للبيع مع سؤال حراس المنطقة لحد ما ربنا وفقنى لشقة فيها كل المواصفات المطلوبة اشتريتها وحاليا ساكنة فيها.

وطبعا المنطقة جاهزة وعمرانة وفيها كل الخدمات، افضل من الانتظار لحد معاد التسليم والانتظار تانى لحد ما تعمر.

وربنا يوفقك لما فيه الخير.