المحرر موضوع: ابنتي تكذب بشكل متقن وقصصي؛ هذا هذه موهبة أم سلوك سيء؟  (زيارة 17 مرات)

محتار

  • Full Member
  • ***
  • مشاركة: 238
    • مشاهدة الملف الشخصي
ممكن أعرف ايه التصرف السليم مع طفلة ١٢ سنة طول اليوم بتألف حوارات وبتتكلم كأنها حقيقة فعلا ، وآخر حاجة نزلت تجيب نتيجتها من المدرسة جنبنا وجات كاتبة ورقة فيها الدرجات كلها النهائية ولما سألتها ليه الشهادة مش كومبيوتر قالت علشان المدرسين كانوا في اجتماع والفراش هو اللي اداني النتيجة دي "وطبعا ده طلع محصلش لما اختها راحت المدرسة بالصدفة " وطلعت البنت مقطعة الورقة الأصلية ومألفة الحوار ، مع انها مش مضطرة تعمل كدة ناقصة فيها ٥ درجات فقط عن النهائية!

أنا اتكلمت معاها براحة وفهمتها ان ده غلط ولازم نبطل العادة دي ، فوجئت انهاردة ماسكة قلم وكراسة وقاعدة تكتب قصص من خيالها قرأتها لاقيتها قصص كويسة وهادفة جدا .. الحقيقة مش عارفة أعمل ايه وخايفة الموضوع يقلب معاها بمرض .. ممكن تفيدوني بخبرتكم ، مع العلم الوالد والوالدة بينهم طلاق والوالد مسافر وأنا الأخت الكبيرة ومش لاقيه حد حرفيا استشيره ويقدر يحتوي الموضوع + مفيش امكانية اني اعرضها على دكتور حتى.


إنسان حر

  • Sr. Member
  • ****
  • مشاركة: 304
    • مشاهدة الملف الشخصي
هى بتقيس قيمة نفسها من خلال الدرجات الدراسية وللاسف اغلب الاطفال لما بيكونوا على وشك عملية البلوغ بيقيم نفسه من خلال درجاته او شكله نظرة الناس اللى حواليه هى بتستمد قيمة نفسها من خلال الناس والاشياء اللى حواليها.

حاولى تقعدى معاها وافهموا وجهة نظرها وايه المخاوف والقلق اللى جواها وحاولى تصلح اى فكرة غلط هى اخدتها عن نفسها وساعدوها على ده والا للاسف الكذب هيبقى اسلوب حياة وهتلجأ ليه كتير علشان تخلص من اى مشكلة من وجهة نظرها.

هى عندها قدرة كبيرة على التأليف عشان كده بتألف عليكو وبتألف على الورق.

من ناحية التأليف عليكم ادخليلها من سكة الحرام والحلال وعرفيها أن ده كذب وهتدخل النار لو مبطلتش ومش هتقدر تستحمل عذاب النار.

من ناحية التأليف على الورق احتمال تكون هتبقى هي دي هوايتها، خليها تتقنها بأنها تشوف حكايات وقصص على الانترنت وتستوحي منهم.

وفهميها أن الإنسان بيستغل قدرته في الخير مش في الشر، واحتمال ده يبقى شغلها لما تكبر وتبقى مؤلفة كبيرة وقصصها تتباع بفلوس كتير.

مستشار

  • Sr. Member
  • ****
  • مشاركة: 293
    • مشاهدة الملف الشخصي
قبل متقولي السطر الأخير كنت حقولك الظروف الاسرية ليها إيه عشان تعمل كده.

She is so talented ❤️

وجهي الموهبه بتاعتها للكتابه وحتشوفي العجب ومتركزيش على ان ده عيب فيها فمجهودها كله حيتحط في الابداع مش في حاجه تانيه ❤️

أغلب المبدعين اتولد إبداعهم من رحم معاناه شخصية عاشوها وهي بإذن الله لو اتوجهت صح وصبرنا عليها حتبقى واحده منهم.

ساعديها تعمل بلوج تحط فيه كل كتاباتها وتابعي مسابقات المبدعين من الكتاب صغار السن سواء اللي بتتعمل بمجهودات مدنيه أو اللي الدولة بتنفذها احيانا واثني على نقطة قوتها وتغافلي عن الكذب عشان تكتسب ثقة بنفسها ولما ده يحصل هتبتدي شويه بشويه تبطل ادعاءات.

هي للأسف لقت أمانها في الكدب بسبب التشتت الاسري وبنت لنفسها بابل كبيره خادعه تعيش فيها بأمان بعيدا عن كل اللي بيخوفها.