المحرر موضوع: جوزي اتجوز عليا؛ وانا عاوزه الطلاق بسبب سوء المعاملة  (زيارة 560 مرات)

محتار

  • Sr. Member
  • ****
  • مشاركة: 331
    • مشاهدة الملف الشخصي
انا مشكلتي كبيرة جدا ومش عايزة اطول عليكم ومحتاجه منكم تفيدوني؛ انا جوزي اتجوز عليا من كام سنة ومطلعتش من البيت وعملت مشاكل زي اي ست ممكن تعمل ودا الطبيعي لكن انا اتحرقت جوايا وسكت عشان خاطر اولادي.

بعد كدا شوفت الاهانة وضرب وحرمان من كل حاجة حتى الهدوم حرمني منها.

انضربت قدامها عشان رافضه حاجه تجرح مشاعري لكن ترضيها وترضيه وكان لازم أوفق تتعزم عندي وتتعزم في المناسبات العائلية.

مش مهم مشاعري، كنت بموت لما باشوفها بتكلموا أو واقف معاها؛ كان بيميزها في حاجات كتير ويشهد الله كنت بعامله ازاي قبل ما يتجوز.

مكنشي في بينا اي مشاكل خالص وكنت فاكره أنه بيحبني زي ما انا كنت بحبه، لكن اتجوز.

ضرب وإهانة وكسرة النفس؛ لو حكيتلكم موقف واحد بس هتقولو ازاي صبرتي واني حجر، بعد كل ده كنت بحبه واليوم بتاعي بخليه يمشي مبسوط وبرده فارق المعامله بيني وبينها.

آخر مرة كان عايز ينزل الجنين من بطني عشان مخلفتشي منه وخايف على إحساسها ان انا حامل وهيه لأ؛ طب انا ذنبي ايه؟ دي إرادة ربنا.

وقتها حلف عليا بطلاق لو منزلهوش اكون طالق ورفضت خوفًا من ربنا اموت نفس؛ طردني من البيت وانا طلبت الطلاق وبعدين رجعت؛ هوه ساكن ف مكان شغله بعيد عني وهيه معاه مكان شغله.

انا مش قادرة اتقبلوا في حياتي تاني، عندي اموت ولا اتقبله، بسمع صوته يحصلي انهيار وعايزه اصرخ أو اموته أو موت نفسي.

واهلي رافضين الطلاق عشان خاطر الاولاد وهوا كمان رافض الطلاق عشان الاولاد؛ وبفكر اخد الولاد واهرب بس مليش مكان اروح فيه.

اعمل ايه؟ اعتبرني اختك أو بنتك...
« آخر تحرير: نيسـان 27, 2021, 05:18:13 مسائاً بواسطة Administrator »

إنسان حر

  • Hero Member
  • *****
  • مشاركة: 547
    • مشاهدة الملف الشخصي

رد: جوزي اتجوز عليا؛ وانا عاوزه الطلاق بسبب سوء المعلمة

« رد #1 في: نيسـان 27, 2021, 05:17:27 مسائاً »
وعليكم السلام ورحمة الله وبركاته
كل عام وحضرتك بخير

شوفي حضرتك بعد ما قرات قصتك عندي اقتراحين ممكن تشوفي الانسب ليكي ( اذا كان كلامي يناسب شخصيتك ).

١- الطلاق باي طريقه والخلاص منه نهائيا وبدون السماع لاي شخص محيط بيك لان مفيش حد بيحس بحد للاسف.
٢- الاستمرار ( للاسف الشديد )؛ مع تغيير طريقة المعامله ١٨٠ درجه كاملة.


مش حضرتك بتقولي كنت بتعملي كل حاجه عشان ترضيه اعملي العكس تماما ( النتيجه واحده ضرب وذل ومهانه ).

عدم الاهتمام، اللامبالاه تماما، ييجي ومايجيش مش مهم.

ولو كلمك كلمه وحشه تردي عليه؛ يعني من الاخر العين بالعين والسن بالسن.

و ربنا ييسر لك الامور والاحوال ان شاء الله ويرفع عنك الكرب والهم والحزن.

مستشار

  • Sr. Member
  • ****
  • مشاركة: 359
    • مشاهدة الملف الشخصي
أنتي لو اشتغلتي معظم مشاكلك هتتحل وهتبقي في غنى عنه وساعتها قرار الانفصال هيكون قرارك انت وبس.

لكن أبشرك هو اكيد هيرجعلك.

جناح طاير

  • Sr. Member
  • ****
  • مشاركة: 265
    • مشاهدة الملف الشخصي
عليكِ بقيام الليل وقولي فوضت امري ليك يارب؛ ارفعي قضيتك للسماء وان شاء هتتحل.

غادة الكاميليا

  • عضو جديد
  • *
  • مشاركة: 5
    • مشاهدة الملف الشخصي
عيال إيه اللي تصبري عشانهم؟
ده على أساس أن العيال أصلا هيطلعوا أسوياء ومتميزين في الجو ده؟
طلعيه من حياتك والأهم تطلعين من قلبك مش لأنه مايستهلش حسن معاملتك بس، لكن لأنه حد في حالة تعلق رهيب بالتانية، وواضح أنه من نوعية الرجال اللي بيكتفوا بواحدة ومبيعرفوش يعيشوا مع اتنين!
لو ما وافقش على الطلاق ولو انت محتاجة له ( ماديا) كملي بس لازم تغيري طريقة تعاملك وتوقفيه عند حده!