جاء شاب إلى منطقتنا يدعونا إلى شراء فلتر Power Life وطبعًا ما شاء الله الشاب بيقنعنا بكل الوسائل ان حيتنا هتنهار بدون الفلتر ده، وكان ناقص يرن على د. أحمد زويل الله يرحمه عشان يؤكد كلامه ويثبت صحته.الشاب كان معه جهازين:١. جهاز بيقيس نسبة الأملاح في
الماء، وطلعت النتيجة عندي بالفلتر اللي مركبه (٥ مراحل) وماء الحنفية = ١٥٥ درجة؛ أما من مياه فلتر Power Life كانت = ٥ درجات فقط؛ وأقنعني ان حياتي بتنتهي والنقرس والكلى وحاجات صعبه.
٢. جهاز بيُظهر مدى سوء المياه عندي ومدى صحة المياه من الفلتر.
انا مصور صور ومرفقة أدناه.
الشاب بيقول ان الفلتر ٧ مراحل بسعر ٢٢٠٠ جنيه تقريبًا أقساط على ١١ شهر كل شهر ٢٥٠ جنيه تقريبا.. مش حافظ الأرقام أوي لكن في الرينج ده.
ما رأيكم في هذا الموضوع يا جماعة، هل فعلا كلامه واختباراته صحيحة واننا بنموت حاليا من المياه السيئة الغير صحية لدينا؟
أم أن هذا مجرد خداع للبيع؛ لكن كيف يفعل هذا أمامنا مباشرة؟ الأجهزة متبرمجة ازاي يعني؟
ولو فرضنا صحة كلامه؛ فهل فعلا
الفلاتر دي تمام وبكل المزايا دي وبالسعر ده مناسب لها؛؟
