أعيش في بلد أوروبية؛ هل أستمر هناك أم أنزل مصر انا وأولادي؟

[محتار]

انا أعيش مع جوزي في بلد أوروبية ومعايا أطفال، بس حصل مشاكل كتير وفكرة أن نستمر مع بعض مستحيلة جدا، دلوقتي انا تائِهه ومش عارفه افكر ولا اخد قرار، محتارة بين أني بعد ما يتم طلاقي استمر في البلد واربي أولادي تربية نضيفة من كل حاجه تعليم وصحة ومستوى، ولا انزل بيهم مصر! ولو نزلت هم بعد كدا لما يكبروا هيكرهوني أني مش وفرت ليهم بيئة كويسة ؟

[جناح طاير]

انا رأي الشخصي خليكي عندك وانزلي كل سنة مصر بالأولاد عشان يتعلقوا باهلهم وما ينسوهم.

وزي ما قلتي؛ خسارة تحرميهم من عيشة كريمة هم عايشنها سواء تعليم وصحة وهدء.

وطبعا تحافظي على دينهم جدًا بدل ما ينغمسوا في مفاسد الدول دي.

وربنا يقدملك اللي فيه الخير.