المحرر موضوع: هل من حقي طلب العيش في شقة بدون حماتي؟  (زيارة 6 مرات)

محتار

  • Full Member
  • ***
  • مشاركة: 227
    • مشاهدة الملف الشخصي

هل من حقي طلب العيش في شقة بدون حماتي؟

« في: حزيران 07, 2021, 02:24:59 مسائاً »
تقدم لي شاب عمره ٣٣ سنه وانا ٣٢ محترم، بيشتغل محاسب، هو أخ وحيد مالهوش اخوات، والده متوفي، ووالدته موجوده؛ هو من بلد وبيشتغل في بلد ثانيه، فلهذه الظروف اخد شقه ايجار بيقعد فيها هو ووالدته، ولما اتعرض عليّ الامر وكده خيرني في الاول لاما نسكن مع والدته في شقه ايجار لاما نسكن في شقة مستقله لوحدنا ، فانا وافقت اننا نسكن في شقه مستقله، بعدين هو تردد وقال والدتي هتسكن لوحدها وكده وبعدين خيرني بين امر ثاني اننا مش ينفع هنسكن في شقه مستقله لوحدنا، هنسكن مع والدته في نفس الشقه لان مالهاش حد الا انا لاني ماينفع اخد شقتين ايجار وادفع مرتبي كله في الايجار.

بالمقابل في ذلك، لو اخد شقتين ايجار انا هشارك معاه في مصاريف البيت وكده، لاني موظفه، فانا لم اعترض ولا شئ لان الواحده لازم تساعد زوجها في المعيشه وكده لان ظروف الحياه صعبه جدا، وقلتله اننا هنودها على طول، ويوم الاجازه نروح نقضيه معاها من اوله، وهي فوق راسنا وفي عينيا، مع اني والله نيتي خير ولا اقصد اي ظلم ليها او انني ابعدها عن ولدها.

فهو اخد كلامي كده اني أنانيه ومابحبش الا نفسي، عشان عاوزه استقل بشقه لمفردي، وأظن ده حق من حقوقي، وانني كده ببعده عن أمه الأرمله اللي عاشت حياتها عشان تربيه ويكبر وتفرح بيه، ورفض اننا نكمل مع بعض؛ فممكن حضراتكم تفيدوني هل انا على صواب أم خطأ، وهل انا صح في قراري انني اسكن في شقه بمفردي وكده في ظل ظروف الحياه اللي بنسمع فيها المشاكل اللي بتحصل بين الحماة وزجة ابنها؟ وهل يجوز انه يطلب مني اني اساعد بالمصاريف وكده من قبل مايحصل خطوبة او كده؟ ده امر عادي ولا ايه بالظبط!

لاني محتاره جدا، هل ده من حقه ولا لا؟ افيدوني جزاكم الله خيرا؛ وآسفه جدا للاطاله، ربنا يبارك في حضراتكم.

جناح طاير

  • Full Member
  • ***
  • مشاركة: 186
    • مشاهدة الملف الشخصي

رد: هل من حقي طلب العيش في شقة بدون حماتي؟

« رد #1 في: حزيران 07, 2021, 02:27:04 مسائاً »
من حقك الرفض أو القبول، دا حقك؛ لاكن نصيحة: والله وجودها بركة وخير، على الاقل انتي موظفة لما تخلفي طفل مش هتلقي احن منها يعني لو هي تكرمت وعاشت معاكي يبقى جميل، اما يشرط عليكي تشاركي في مصروف البيت ده ايضًا يرجعلك طلما بتشتغلي، يبقى تساعدي، أهم حاحه تكوني راضية مش اجباري.