دعوة للنصيحة... سيدة تقول: صديقتي متزوجة من رجل في بداية سن الأربعين وهي بنصف العشرينات وانجبوا ولد عنده ٣ سنوات.
عايشه في ابو ظبي من سنة تقريبا حاسة ان جوزها بقى روتيني معاها جدا مبقاش يدلعها ولا يحبها زي الاول؛ بتقولي حاسة ان وجودها بقى مش مرغوب فيه بتقولي يعني ابقى منظمة البيت وعاملة اكل ومنيمه الولد بحيث أننا نسيب التليفونات ونقعد نتكلم مع بعض نحب في بعض يتغزل فيا يقوم يقولي عاوز انام أنا هنزل اجيب حاجات هنزل مع اصحابي.
هو أصبح بارد المشاعر وبالمناسبة بتقولي أنها ع طول مهتمه بنفسها ولبسها في المنزل والميكب والشعر؛ وكمان حاسه أنه مل من شعرها راحت اشترت بواريك الوان وطويل وقصير وكده؛ بتقولي حتى بالاكل ممتازة ونضافة البيت زي الفل و على طول بتعمله مفاجأت وتجيب له هدايا واحيانا تعمل له جو رومانسي ورد وشموع وبلالين وميوزك هادئه وكمان لغة الحوار موجوده وبتتكلم معاه في مشاكل شغله لو فيه يعني وتحاول بأقصي جهدها أنها تهون عليه مشاكل وضغوط الحياه ولكن هو بقي بارد ناحيتها.
ولو عامله حاجة جديدة في شكلها بقت تحس أنه مش مقدرها ولا بيبدلها نفس الشعور وحتى بالعلاقات الشخصية هي اللي على طول تبادر وهو بقي يتهرب منها.
بتقولي أن حياتهم المادية الحمدلله مستقرة وكويسة وهو مش مقصر في ماديات ولا متطلبات ولكن مقصر معاها شخصيا ....
فطلبت مني نصيحة اتصرف معاه ازاي اخليه يرجع معايا زي الاول؟
