المحرر موضوع: جاري يسرق كهرباء من العداد بتاعي  (زيارة 48 مرات)

جناح طاير

  • Sr. Member
  • ****
  • مشاركة: 265
    • مشاهدة الملف الشخصي

جاري يسرق كهرباء من العداد بتاعي

« في: حزيران 10, 2021, 02:30:00 مسائاً »
(ن.ا) انا كنت مسافر ولكن عندى شقة جديدة مش متشطبة يعنى على المحارة والنجارة بس؛ المشكلة ان عندى جار فقط فى الدور كله وساكن بالفعل، وفيه بوابة حديد بتقفل على طرقة مؤدية للشقتين وعدادين الكهرباء بتاعى وبتاعة فى لوحة واحدة فى الطرقة بره الشقة؛

المشكلة انى نزلت من السفر لقيت عليّ كهرباء ب ٧٠٠٠ جنيه وفعلا العداد ساحبهم؛ طب ازاى والشقة مش متشطبة ولا حتى فيها لمبة؛ كمان جبت كشف بسحب العداد فى ٣ سنين اللى فاتوا لقيت شهور الصيف السحب فيها تقريبا بيوصل فى الشهر ١٥٠٠ كيلو؛ والشتاء صفر؛ انا شبه متاكد ان جارى كان سارق التيار من عندى..

مش عارف اثبتها عليه قانونى ازاي او ايه التصرف السليم؛ افيدوني، واسف للاطالة.. على فكرة الشقة اللى هو قاعد فيها بـ٢ مليون وكلها تكييفات، ولما عرف انى استقريت فى مصر العداد بقاله شهرين = صفر قراية، يعنى فصل السلك.



الرد



مش شرط يكون الجار؛ حضرتك هتبلغ في شركة الكهرباء عن سرقة تيار وهتقدم ما يثبت انك كنت مسافر؛ والفني هيشوف الشقة انها مش متشطبة وهيكتب تقريره هتاخد التقرير دة وتقرير قراءة العداد وتبلغ في مباحث الكهرباء.