المحرر موضوع: الأب المؤذي.. أبي الظالم يسيء معاملتي انا وأمي  (زيارة 167 مرات)

محتار

  • Sr. Member
  • ****
  • مشاركة: 331
    • مشاهدة الملف الشخصي

الأب المؤذي.. أبي الظالم يسيء معاملتي انا وأمي

« في: نيسـان 29, 2021, 05:33:38 مسائاً »
انا بنت لسه عندي 16 سنة وشايله هم كل حاجة، بابا كل يوم بيرفصني بالرجل وهو بيصحيني من النوم وبشتيمه بردو.

والنهارده عمل مشكلة مع ماما عشان قالتله عايزه شوية حاجات للبيت فضل يزعقلها كتير ويشتمها، ولما اتضايق اكتر فضل يضربها بخشبه في بطنها على آخر ما معاه؛
معرفش ايه الظلم ده !

وبيشتمها الفاظ زبالة وبيقولها هعمل فيكي واخلي..

وعايز ماما تمشي تروح عند تيتا بس ماما خايفه عليا انا واخواتي عشان اخويا لسه في اولى اعدادي واختي مخطوبه وكدا.

شوفولي حل..

جناح طاير

  • Sr. Member
  • ****
  • مشاركة: 265
    • مشاهدة الملف الشخصي

رد: الأب المؤذي.. أبي الظالم يسيء معاملتي انا وأمي

« رد #1 في: نيسـان 29, 2021, 05:34:38 مسائاً »
تجنبيه على قد ما تقدري.

واهتمي بنفسك وبصحتك وبمذاكراتك واوعي فى يوم تفكري تتجوزي أي جوازة وخلاص للهروب من والدك.

هتلاقي نفسك وقعتي فى سجن اكبر وبقيتي زى مامتك.

اما عن مامتك حاولي انتي واخواتك تعوضوها؛ اهتموا بيها وذاكروا وانجحوا بتفوق علشان تحس ان عمرها وتضحيتها مراحتش هدر.

وربنا يهديهولكم ياارب.

مستشار

  • Sr. Member
  • ****
  • مشاركة: 358
    • مشاهدة الملف الشخصي

رد: الأب المؤذي.. أبي الظالم يسيء معاملتي انا وأمي

« رد #2 في: نيسـان 29, 2021, 05:35:24 مسائاً »
أي رجل يفتري على مراته او اولاده كده لا يستحق لقب رجل.

فكري في الناس المقربين من ابوكي و روحي اتكلمي مع حد منهم يتكلم مع ابوكي.

لكن اللي لازم تعرفيه ان صعب انك تزرعي الرحمه في قلب قد فقدها.

ربنا يصبرك انتي و امك و اخواتك.

إنسان حر

  • Hero Member
  • *****
  • مشاركة: 547
    • مشاهدة الملف الشخصي

رد: الأب المؤذي.. أبي الظالم يسيء معاملتي انا وأمي

« رد #3 في: نيسـان 29, 2021, 05:36:27 مسائاً »
انتي تخلي حد من اعمامك يتكلم معاه اللي هما إخوته لو مالوش يبقى اخوالك لو مفيش يبقى جدك من امك لو مفيش يبقى حد من الجيران يكونو ناس عاقلين كويسين محترمين يكلمو معاه ولو مفيش نتيجه يبقى تسيبو البيت شويه وترحو عند جدك لعل وعسى ربنا يهديه.