انا ولد؛ ازاي اعف نفسي من الرذيلة وانا مش متجوز

[محتار]

انا ولد؛ لو انا مش متجوز ازاي اعف نفسي من الرذيلة خصوصا انها بقت اسهل من شرب المياه فى الزمن الى احنا فيه ده , اللي البنات فيه بقت تمشي شبه عريانة فى الشارع وبقى الصحوبية والعلاقات الجنسية عندهم شئ عادي جدا طبعا فيه بنات محترمة كتير علشان محدش يفهمني غلط , انا بتكلم على الغالبية من بنات اليومين دول بقوا.

وعموما انا مش مصاحب ولا بكلم بنات خالص والحمد لله بصلي بس خايف اضعف فى يوم من الايام واقع فى الرذيلة لان زي ماقولت الموضوع بقى سهل جدا خصوصا اني شكلي حلو شوية وجسمي رياضي فالموضوع سهل معايا اكتر - وصعب اتجوز فى الفترة الحالية نهائى.

[جناح طاير]

عليك بالصوم زي ما قال رسولنا الكريم في الحديث الشريف.

[مستشار]

اولا انت شخص كويس انك خايف تعمل حاجه محصلتش ربنا يثبتك يا رب؛ حاول تغض بصرك وتجاهد نفسك لان دي عباره عن خطوات شيطان لو منعت غض البصر اكيد مش هتختلط ولا ولو منعت الاختلاط اكيد مش هتقع في معصيه وابعد عن الصحاب السيئه الى هيحسسوك انك عادى تعمل الكبائر دي.

[إنسان حر]

هو الموضوع بيبدأ بغض البصر؛ مانا مروحش اصاحب بنات مثلا واقول انا خايف اغلط ؛ فخلي علاقاتك بالطرف الاخر في اطار محدود وفي الضرورة من غير قرب واعتياد بس كده واشغل وقتك.