المحرر موضوع: زوجي يعايرني بأمي الخائنة وأبي المدمن  (زيارة 74 مرات)

محتار

  • Sr. Member
  • ****
  • مشاركة: 331
    • مشاهدة الملف الشخصي

زوجي يعايرني بأمي الخائنة وأبي المدمن

« في: حزيران 11, 2021, 01:12:52 مسائاً »
انا من وعندي ١٤ سنه كنت بشوف والدتي بتكلم مع شخص في التلفون، وبعد كدا عرفت انها عملت علاقه معاه، طبعا بس ما اتكلمتش مع حد ولا كشفت سرها، بس عرفتها اني عرفت، وعيطت وفضلت فترة بعيد، وبعده رجعت تاني وفضلت فترة وانكشفت ووالدي عرف -اللي هو اساسا بيشرب مخدرات- حصلت مشاكل طبعا وبدون دخول في تفاصيل موصلوش للانفصال وكملوا.

مشكلتي انا بقا اني اتعرفت على شاب واتقدملي واتخطبنا، بس الوقت ده كانت غلطه عمري اني وثقت فيه وحكيت له سر والدتي، بس هو كان بالنسبالي الامان وهيخفف عني وهو اللي هيعوضني، واتجوزت ونا عندي ١٦ سنه، وكنت بحبه جدا.

بعد الجواز طبعا زوجي أصبح يعايرني بأمي الخائنة وأبي المدمن؛ بقا يجيبلي سيرة موضوع والدتي وانه غلطان انه ناسب من العيله دي، انا بتصعب عليا نفسي اووي ونفسيتي بتتعب، بس انا اللي غلطت ووثقت فيه وحكيت له، بس محدش بيختار أهله، انا ماليش ذنب اني والدي بيشرب، ماليش ذنب اني امي كانت كده.. بس عمري ما عرفت اكرهها، وباتعامل معاها لحد الآن بس هو كان عاوزاني اقاطع اهلي اول ما اتجوزنا، وانا رفضت.

هو كان شاب وبيعرف بنات قبل ما يخطبني، لما بيحصل مشكله ما بينا يجيبلي سيرتهم و أن كانت عائلتهم كويسه، بس انا عارفه انه مش بيفكر فيها، هو بيعايرني، ولما برد عليه عشان بكون من جوايا نار وبأسلوب وحش بيمد ايده عليا وبيضربني، وفي مرة فضل يضرب فيا ويمسكلي السكينه ويقولي هموتك.

وساعه المشكله كلامه على والدي انه مش راجل عشان قبل بوضع والدتي انا بكون من جوايا مقهورة، بس محدش بيختار أهله، هو مانع والدتي تجيلي البيت، وفي مره طردها.

انا لما بفتكر الموقف بزعل من نفسي اوي، انا الآن معايا ولد، وخايفه اطلب الطلاق، هو بيصرف على البيت وبيديني مصروف، بس كل المشكله معايا انه بيعايرني وبيحسسني اني قليله، ومحدش كان ممكن ياخدني غير واحد بردو بيشرب مخدرات زي والدي، ومحدش يناسبنا، ومبيعملش قيمه لحد من اهلي.

انا على قد ما حبيته على قد ما كرهته، ومبقاش له في قلبي مكان، وبقيت بخاف منه، خايفه اوي، انا لسه عندي ١٨ سنه وخايفه من موضوع الطلاق، واهلي مش عاوزيني أطلق عشان ميشلوش مسئوليتي، ومش عارفه اعمل ايه، ممكن حد يفيدني بدون اساءة!

إنسان حر

  • Hero Member
  • *****
  • مشاركة: 547
    • مشاهدة الملف الشخصي

رد: زوجي يعايرني بأمي الخائنة وأبي المدمن

« رد #1 في: حزيران 11, 2021, 01:14:35 مسائاً »
حاولي بقدر الإمكان تداومي على الصلاة والذكر والدعاء وهو تدريجياً هيتغير معاكي ويبقي كويس ويتوقف عن اهانتك وتأنيبك بذنب مش ذنبك.