انا متعلمة تعليم جامعي وموظفة ومتجوزة من عشر سنين؛ بنحب بعض انا
وجوزي؛ اكتشفت من فترة انه بيكلم واحده على النت وعرفت وصارحته؛ اعتذر وسامحته.
انا بابيع واشترى فى جروب؛ كلمنى واحد بهدف انه يشترى حاجه وكلمته عادى وطلع من نفس المدينة؛ المهم كنت بتفق معاه على الحاجه دى وبدا يطمن عليا؛ وارده واعمله بلوك وخلصت منه؛ لقيته عمل اكونت تانى يسال عنى ويتقرب منى؛ وانا اصد وافكره بربنا؛ انا متدينه وبحب جوزي؛ بس داخل من ناحيه انى اخته وانا عارفه انه غلط وحرام بس مش قادره؛ كل مايكلمنى ارد عليه عادى؛ وافتكر واعيط واعمل بلوك ويرجع تانى.
عمل حوالى سته اكونت؛ والله ما عايزاه بس بيدخل من مداخل كتيرة؛ هيشترى وكده؛ واصدق؛ ويرجع يقولى بطمن عليكى؛ اخر مره بعت رساله بيبكى فيها ويقول مش قادر انساكى وان اول واحده محترمه حبها فى حياته؛ مع انى اقسم بالله بصد بكلام صعب؛ ان انا لو اختك او مراتك مش هترضاها؛ ان انا متجوزه وبحب جوزى عايزه اخلص من الكابوس دا؛ تعبانه وعارفه انى غلط ومش قادره وحاسه بذنب كبير لمجرد انى برد عليه بالله.
عليكم مش عارفه اعمل ايه؛ هو دا كل اللى حصل والله؛ كلام هامشي فقط ؛ مش بسمح بحاجه تانى.
