انا متزوجه بقالي ١٠ سنين، ومعايا طفل في أولى ابتدائي، ومشكلتي أن مبقتش طايقه ريحة السجاير في البيت من زوجي. ايوه ممكن يكون فيه رجاله كتير بتشرب سجاير، بس انا زوجي بيشرب تقريبا كل دقيقه واحده بطريقه غير طبيعيه، وريحه
الشقة كلها بتبقي معتقه من الريحه.
اقسم بالله بقيت اقرف ادخل التويلت بسبب كده، عشان هو دائما بيشرب اكتر في التويلت، وكلمته كتير إن ده بدأ يضايقني، بيسمع من ودن ويطلعه من الناحيه التانيه.
انا حرفيا مبقتش قادره استحمل ومحدش يقولي هما ساعتين اللي بيجيهم من الشغل استحمليهم، انا الموضوع ده بياثر على تقاربنا من بعض، وببقي مش طايقه اقرب له، ودايما بنام مع ابني أو لوحدي بسبب كده، عشان بتبقي ريحة هدومه كلها دخان، أتمني تفهموني.
