المحرر موضوع: زوجي بيضربني ويشتمني ومهددني انه ياخد بنتي  (زيارة 53 مرات)

محتار

  • Sr. Member
  • ****
  • مشاركة: 331
    • مشاهدة الملف الشخصي

زوجي بيضربني ويشتمني ومهددني انه ياخد بنتي

« في: حزيران 11, 2021, 02:08:35 مسائاً »
انا مهندسة عندى ٢٩ سنة، كنت طول حياتى انا انسانة من اسرة متدينة "ملتزمة"، مولوده فى القاهرة ودايما معززة مكرمه فى بيت أهلى، ومعروفة بالسمعة الطيبة فى كل الاماكن اللى مريت بيها. جت الصدمة لما اتزوجت من سنتين زوجى. للاسف الزواج تم بسرعة جدا لظروف وضغوط اجتماعية.

تزوجت من سنتين وحتى الحمل جه بسرعة، عندى طفله سنه وجت الصدمة بعد الزواج ان زوجى بدأ يضربنى، وده كانت حاجة يكاد يكون من الكبائر فى اسرتى قبل الزواج، ويمنعنى عن زيارة أهلى بعنف، حتى وصلت بيه الدرجة انه يمنعنى انزل حتى اروح للدكتور، وبيمعنى حتى انزل اشترى اى طلب لى من المحل اللى تحت البيت بعنف.

بدأت أخاف منه جدا، واخضع لقوانين العنف والضرب، وطبعا الاهانة يوميا بكل ألفاظ الشتائم البذيئة اللى عمرى ما كنت أسمعها قبل الزواج خلال الـ ٢٧ سنه اللى عيشتهم فى بيت أهلى.

وعلى طول بيعنف عليا فى خدمة أهله واخته -الى هى مش اكبر منى بكتير-. كنت بوطى أكنس تحت رجيلهم زى الخدامة وكل الأسرة قاعدين. والاكبر من كده انه كان بيضربنى عشان اشتغله ملفات فى مجالى، واشتغلت معاه بدون اى أجر او اى راتب او حتى اى تقدير معنوى، كان ياخد مني الملف ويشتمنى بعدها ويشتم أهلى بافظع الالفاظ. ده حتى وصل بيه الامر انه بيعنف على بنتى اللى عمرها سنه ونصف. البنت بقت تصوت جامد جدا، ده غير انها بتشوف امها بتضرب وتتشتم ٢٤ ساعة وهو قالى لما تكبر هخليها تشتمتك وتضربك زيي بالظبط.

لحد ما عنف عليا فى يوم، -اللى هو امبارح- فى انه فى معاد بينا وبين مالكة الشقة اللى ماجرنها انه محتاج يروح لوحده ويلبس احسن لبس ويرمى الهدوم فى وشى عشان اغسلها وانشرها، وانه عاوز يقابلها لوحده. قلتله مينفعش عنف عليا ويكاد يكون كان هيضرنى لو موافقتش. قعد مع واحده (صاحبة الشقة) معجب فيها فى شقة لوحدهم اكتر من او ٥ ساعات لحد بليل، وطبعا ده مكنش اول خيانة لى يقوم بيها. هو مش بيخاف ربنا ومش بيصلى. وطبعا اسلوب العنف اللى مش محتاجه اوصف تفاصيله بالشلوت وبالرصية وخبط على المخ ولطم الوجه والقفى واحيانا الخنق من الرقبه واحيانا ضرب فك الخد.

دلوقتى انا غضبت عند اهلى وعاوزة افصل فترة عشان يحترمنى ويقدر قيمتى، وانا بقالى سنتين ونصف زواج مش مسموح لى اغضب عند بيت اهلى زى اى أمراة طبيعية.

المرة ده لما خلي بنفسه مع الست ده انا غضبت ومن حقى أغضب.

دلوقتى هو مهددنى انه هييجى بالعافيه ياخد بنتى منى ويسفرها عند اهله البلد بتاعتهم، فيها اهل امه وابوه. وبابا ضعيف وماما ضعيفه وانا قاعده مرعوبه ومش عاوزه ارجعله تانى.

حد عنده حل ؟؟ انا فعلا مرعوبة وخايف يبعد بنتى عنى، والقانون ايه موقفه! إذا كنت مش قادره اسجل الضرب ده لانه زى ما بيقول ضرب مش مبرح يعنى مش بيزرق ولا بيعلم فى الجسم. بس انا من جوايا مذبوحه

أرجوكم اى حد يساعدنى، انا حاسه انى غرقانه ومش عاوزة اسيب بنتى ياخدها منى. ومش هاقدر استنى قوانين الحكومة اللى بتاخد ١٠٠ سنه عشان تتنفذ، وبنتى لسه بترضع مني. بس هو لو اخدها في اي لحظة هيفطمها، يعنى هو مش شايفها حجة.

إنسان حر

  • Hero Member
  • *****
  • مشاركة: 547
    • مشاهدة الملف الشخصي

رد: زوجي بيضربني ويشتمني ومهددني انه ياخد بنتي

« رد #1 في: حزيران 11, 2021, 02:13:24 مسائاً »
أولا؛ وقفي ناس في الموضوع وممكن كمان تستشيري محامي هيديكي معلومات موثقة.

وثانيا بقى، داومي على الصلاة على النبي والأذكار.