المحرر موضوع: أفكار صدقات جارية تفضل شغاله بعد الوفاة  (زيارة 72 مرات)

إنسان حر

  • Hero Member
  • *****
  • مشاركة: 547
    • مشاهدة الملف الشخصي

أفكار صدقات جارية تفضل شغاله بعد الوفاة

« في: حزيران 11, 2021, 03:04:56 مسائاً »
ممكن أفكار صدقات جارية الشخص يقدر يعملها لنفسه قبل ما يموت وتفضل شغاله بعد الوفاة على طول ومش تحتاج فلوس بعد كده؛ ومش بمبلغ كبير يا جماعة.

الرد

- فيه مؤسسات بتحفر آبار جوه مصر أو بره مصر .. وفيه مؤسسات بتزرع نخيل وبيبقى صدقة جارية، الثمر بتاعه بيتباع ويطلع فلوسه للفقراء.

- ممكن توصيل مياه شرب نقيه للناس اللى معندهمش.

- روح ملجأ أيتام وأي مبلغ معاك حتي لو صغير جداً اديهولهم اوعي تقول دا مبلغ تافه هايعمل ايه لأنه عند الله أفضل بكتير.

- حاجة تانية من غير فلوس خالص - في كل صلاة بتصليها او في اي وقت انت فاضي فيه خصص دعاء لناس كتير انت ماتعرفهاش او تعرفها عارف هاتقولي بدعي لناس كتير بس فيه فرق لما تدعي وخلاص وفرق لما تدعي بنية الصدقة للناس دي عشان ربنا يكرمك بعد وفاتك وتلاقي اللي بيدعيلك حتي لو مايعرفكش صدقني اقسملك بالله الدعاء هاينفعك حي وميت.

- روح مستشفى السرطان او ابو الريش وادفع اللي تقدر عليه.

- حاجة اخيرة في حديث حبيبك النبي؛ عن أنس رضي الله عنه قال : قال رسول الله صلى الله عليه وسلم : (سبعٌ يجري للعبد أجرُهن وهو في قبره بعد موته : مَن علَّم علماً ، أو أجرى نهراً ، أو حفر بئراً ، أو غرس نخلاً ، أو بنى مسجداً ، أو ورَّث مصحفاً ، أو ترك ولداً يستغفر له بعد موته).

- حفظ اى طفل سورة قرآن او مجموعة آيات هيفضل فاكرها على طول ودايما تاخد حسنات.

- وزع مصاحف.

- تجهيز بنات يتيمات للزواج.

- روح دار مسنين واشتري لهم مكيفات او ثلاجه او مراوح وشوف احتياجاتهم ايه وسدد عنهم.