المحرر موضوع: هل ممكن البنت تساعد خطيبها في تشطيب الشقة؟  (زيارة 112 مرات)

محتار

  • Sr. Member
  • ****
  • مشاركة: 331
    • مشاهدة الملف الشخصي

هل ممكن البنت تساعد خطيبها في تشطيب الشقة؟

« في: نيسـان 29, 2021, 05:47:57 مسائاً »
انا مرتبطه بابن عمي لينا فترة وهنعمل خطوبة قريب انا موظفة الحمد لله وهو تعليمه عالي بس فرصته في الشغل مش قوي سافر بره اخد سنة ونزل ومستني الطيران يفتح عشان يسافر تاني هو يتيم الاب من هو وصغير وامه توفت من سنة تقريبا ومن بعدها مالوش حد غيري انا وأخوه أصغر منه وفي الكلية.

السؤال هو حاليا شغال في السياحة وبيعمل اللي يقدر عليه في الشقة؛ هل انا ينفع اساعده في تشطيب الشقة واديله فلوس اساعده بيها ولا دي حاجه متنفعش؟ انا صعبان عليا ان مش معاه حد وفي نفس الوقت هو طموحه عالي ونفسه يعمل كل حاجه؛ بس الدنيا ملطشه معاه.

هل انا لو ساعدته دي حاجه مش كويسه في حقي ولا عادي؟

جناح طاير

  • Sr. Member
  • ****
  • مشاركة: 265
    • مشاهدة الملف الشخصي

رد: هل ممكن البنت تساعد خطيبها في تشطيب الشقة؟

« رد #1 في: نيسـان 29, 2021, 05:50:57 مسائاً »
طبعا شعور نبيل منك لكن انا ضد المساعدة المادية؛ ممكن تساعدي بطريقه غير مباشرة، يعني اتنازلي عن حاجه في العفش، ممكن تيجي بعد الجواز.

خليكي جمبه سنه اتنين مش مشكلة ده لمصلحتك.

بتفرق كتير انك تحسي انه تعب علشان تكونوا لبعض؛ هيقدر يحافظ عليكي وعلي البيت اكتر.

لكن لو متعبش واتجوز على الجاهز (ممكن) يكون سهل جدا يتنازل عنك في أول مطب في حياتكم.

إنسان حر

  • Hero Member
  • *****
  • مشاركة: 547
    • مشاهدة الملف الشخصي

رد: هل ممكن البنت تساعد خطيبها في تشطيب الشقة؟

« رد #2 في: نيسـان 29, 2021, 05:52:15 مسائاً »
انتي الوحيدة اللي تقدري تعرفي هو من النوع اللي يقدر الفعل الطيب وما ينساش ولا لا .. وده مش لازم معاكي ده هايبقي طبع فيه مع اي حد في اي موقف كويس حصل معاه .. بس لو ناوية لاحقا تربطي اي افعال منه باللي عملتيه يبقي بلاش.

مش معني ان شخص عمل معايا افعال كويسة ووقف جنبي انه مثلا لو غلط فيا اسكت او اقبل امر غير مقبول .. لا انكر فضله؛ لكن كمان انا ليا حق وشخصية وده في العادي فما بال في الجواز!

ساعديه لو نيتك لله وللانجاز ببركة وفضل ربنا لاعمار البيت وصلاحه.

مستشار

  • Sr. Member
  • ****
  • مشاركة: 358
    • مشاهدة الملف الشخصي

رد: هل ممكن البنت تساعد خطيبها في تشطيب الشقة؟

« رد #3 في: نيسـان 29, 2021, 05:53:47 مسائاً »
هو (بوصفك) عريس لقطة ميتعوضش ملوش حد ولا ام ولا اب، مجتهد.

فين المشكلة انك تساعديه! اسمها تتشاركي معه في تاسيس بيت الزوجية وفي النهاية كله ليكي؛ اعتمدي علي الله.