المحرر موضوع: زوجي تزوج أجنبية في الغربة.. هل أطلب الطلاق؟  (زيارة 47 مرات)

محتار

  • Sr. Member
  • ****
  • مشاركة: 331
    • مشاهدة الملف الشخصي

زوجي تزوج أجنبية في الغربة.. هل أطلب الطلاق؟

« في: حزيران 13, 2021, 09:37:25 صباحاً »
زوجى مسافر بقاله عشر سنين وعندى ولد تسع سنين وبنت ٦ سنين، ومسافر من ايام زوجنا ووقفت جمبه كتير اول جوزنا واتحملت جواز من غير شقة وجبناها بعد جوازنا بست سنين وكنت قاعده عند اهلى. اكتشفت انه على علاقة بواحدة هناك اجنبية من حوالى سنة، علاقة حرام، لانى اتكلمت معاها وحكتلى وانها كانت حامل منه وعملت اجهاض عشان بتشتغل، وهو زعل وكان عاوز يخلف منها لانه بيحبها جدا وعاوز طفل يربطه بيها، وكان مفهمها انه مطلقنى من سنتين، وطبعا كذاب.

وبعد ما عرفت وواجهته وحصل بنا مشاكل كتير اتجوزها عرفى من ست شهور عشان مينفعش يتجوزها مدنى لانه فى بلد اجنبيه، ولو بحثو عنه حيلاقو انه متجوزنى، فطبعا العرفى غير معترف بيه هناك، لما عرفت بجوازه اختارها هى ووقف قصادى وباعنى انا واولادى، وقالى لو هتطلقى غورى اطلقى ومش هصرف عليكى، انا بحبها جدا وبحب اولادها لانهم ميعرفوش ابوهم مين وبيصعبو عليا، اجنبيه بقى.

ده غير انه بعت لاولدى رساله وقاله انا فى غربه ومحتاج واحده ست جمبى تعينى على الغربه، ومعملتش حاجه غلط وقله ادب، المهم تعبت نفسيا ورحت لدكتور نفسى وشوفت ايام سوده وبعدت عنه وبعت مصروفنا بعد ذل.

المهم حصلت بينهم مشاكل وسابو بعض من اربع شهور تقريبا لانها خانته، حتى اصحاب ليه هناك قالولى ست مش كويسه وضفرك برقبتها وهو متعلق بيها ومريل عليها جدا، ورجعلى بس منزلش مصر، ومش عاوز ينزل اصلا وكان بيعملنى بجفاء محستش لحظه بندمه ولا بسمع كلمه حلوه، بيبعت مصروفنا وكل طلبتنا ودايما يقولى انتم مش ناقصكم حاجه، اقوله ناقصنا انت مش بيقتنع، عرفت من قريب انهم رجعو تانى وانهارت وقولتله بعد ما خانتك وبهدلتك فين كرامتك! انا هطلق، قالى: ياريت، غورى هرتاح منك، ومافيش مليم هبعتهولك، انزلى اشتغلى واصرفى على الاولاد، وكمان هيطلعهم من مدرستهم اللغات ويدخلهم مدرسه حكومه، يا اما ارضى بالامر الواقع واقبل الوضع ده انه يكمل معاها، ومينزلناش مصر، علما بانه معاه الجنسيه من ست سنين وينفع نروح نعيش معاه، بس هو رافض وبيقول الاولاد اخاف عليهم هناك، مع ان كل اصحابه عايشين هناك بأولادهم عادى.

انا بجد تعبانه يعنى يا اتحمل انه يعيش مع غيرى ومينزلناش ويبقى مجرد بنك وده مسببلى ضرر نفسى جامد لان دى مش عيشه، حتى اهله معرفوش يعملوا معاه حاجه وانسحبو وقالو هو يحل مشكلته معاكى، وهو قال لوالدى انا ماليش كبير واعمل اللى انت عايزه.

ارجوكم حد يقولى اعمل ايه ولو رفعت قضيه نفقه وهو مسافر هعرف اخد حق أولادى ولا لا، هو عاوز يفضل هناك واحنا هنا ويبعت فلوس بس، وانا نفسيتى زى الزفت ومش عاوزه ادخل محاكم عشان عيالى، واخر كلامه انه مش باعت فلوس تانى خلاص وشوفى مين يشيلك انتى وعيالك، ومنتهى الذل، ارجوكم حد يفدنى اعمل ايه.

مستشار

  • Sr. Member
  • ****
  • مشاركة: 364
    • مشاهدة الملف الشخصي

رد: زوجي تزوج أجنبية في الغربة.. هل أطلب الطلاق؟

« رد #1 في: حزيران 13, 2021, 09:51:37 صباحاً »
للأسف حكايتك مأساوية، لكننا لم نسمع الطرف الآخر؛ لأنني أشعر ان هناك تناقضًا بعض الشيء.