المحرر موضوع: جوزي مش شايف فيا حاجة حلوة  (زيارة 46 مرات)

محتار

  • Sr. Member
  • ****
  • مشاركة: 331
    • مشاهدة الملف الشخصي

جوزي مش شايف فيا حاجة حلوة

« في: حزيران 13, 2021, 10:08:49 صباحاً »
انا متجوزة ليا سنتين معايا طفلين، طفل سنه واربع شهور، وطفل شهرين؛ حملت على البرشام. بعملهم كل حاجه ويحميهم مرتين في اليوم ويغسل كل يوم عشان غسالتي نص اوتوماتيك، وبنشر وبلم الغسيل وبنضف الشقة كل يوم وبعمل اكل.

زوجي بيقول اني اكلي زفت، وغسيلي زفت، ومش بعرف اعمل اي حاجه عدله، هو شايفني مش بعمل اي حاجه ودايما يقولي كلام وحش اوي، انا نفسيتي اتدمرت جدا، انا والله نضيفه وبعمل حاجات كويسه.

بيقولي كلام يوجع اوي، وعمره ما قالي كلمة حلوة، وانا عمري ما طلبت حاجه ليا، بالعكس عايشه على القد اوي، وباكل الموجود، ولو ملقتش حتى عيش مش بقوله، حتى ولادتي بعت من دهبي عشان اولد.

انا كل ده مش بيضايقني، انا بيضايقني المعامله، ازاي مش شايف اي حاجه كويسه بعملها، وليه بيعمل معايا كده! حتي نضافتي وشكلي بيقولي كلام يوجع اوي، انا مش برضي اطلب منه عشان عارفه ظروفه، فبقوله لو معاك هاتلي. بيقولي قلتلك روحي حمام مغربي والاماكن دي بتاخد فلوس، اجيب منين! يقولي اطلبي منه وهو اصلا مديون، قلتله لو معاك ابعتلي يقولي انتي اطلبي، وانا مبحبش اتحرج ولا اتكسف.

قاطع علاقتي باصحابي ومش بيخليني اروح لاخواتي، ومؤخرا حتى بيت والدي، واما اشتكي واعاتبه بيقول كلام مش منطقي، انا كده ومبحبهمش، واه هقطع الرحم، مع انه بيحب اهله وخدام تحت رجلهم، واخواته.

واما قلتله ده ظلم، يقولي مش اما اتبسط في بيتي الاول ابقى اعملك اللي عايزاه، انتي مفكيش حاجه عدله، واتعامل معاه ازاي!! ياريت تنصحوني عشان انا بقيت مش ببطل ابكي..

مستشار

  • Sr. Member
  • ****
  • مشاركة: 364
    • مشاهدة الملف الشخصي

رد: جوزي مش شايف فيا حاجة حلوة

« رد #1 في: حزيران 13, 2021, 10:33:38 صباحاً »
اختي الكريمة؛ انتي مزعله نفسك ليه كدة؟

عايزك تروحي حمام مغربي ؟ (قولي له: ادفعلي تمنه يا قلبي وروحي).

مش بيساعدك في البيت ومش عاجبه عمايلك؟ (تعالى يا حبيبي اعمل كذا وكذا وكذا انت بتعمله احلى).

مش عاجبه غسيلك؟ (هاتلي يا بيبي غساله اتوماتيك عشان الغسيل يبقي اجمل).

واي حاجه مش عجباه قوليله اعملها انت يا قلبي؛ ولا تبكي ولا تزعلي نفسك ابدا.

والله يصلح حالك يارب.