انا دلوقتي مخطوبة من ٤ شهور، خطيبي عصبي جدا وممكن يعمل مشكلة من مفيش، هو خاطب قبلي ٣ مرات. المهم انا عرفت اتعامل ازاي مع عصبيته، و خصوصا اني الحمدالله هاديه و مش بتعصب بسرعة، دلوقتي انا بقالي ٤ ايام معرفش عنه حاجه، اتصل بيه مش بيرد، بيفتح فيس و واتس كل يوم، مع انه مكنش بيفتح، ممكن اتصل بيه و هو فاتح الفيس و ميردش بردو، اخر مره اتصلت بيه من شويه، و قولت دي آخر مرة و مش هتصل بيه تاني، و هبقي عملت اللي عليا؛ انا والله عمري ما زعلته، و الكلام دا من على لسانه هو.
مش عارفه ييعمل كدا ليه! لما قولت لاختي الكبيرة على الموضوع دا، قالتلي لا دا نظام تطفيش، هو عايز يطفشك علشان انتي اللي تتخانقي و تسبيي، علشان انتي متاخديش
الذهب، انا والله ما في دماغي الذهب و الحاجات دي، انا عايزه افهم ماله؛ احنا اخر مره اتكلمنا كنا كويسين و قال لي مشكله كانت عنده و حلها، و قالي انا متضايق و الموضوع ملهوش علاقه بيكي.
وفيه حاجه تانيه، من ساعت ما اتخطبنا و هو بيقولي انا متجوز عرفي و يضحك و يهزر، و اقوله بجد؟ يقولي لا، و شويه اه، لما ازعل يقولي لا، و لما اتكلم عادي يقولي متجوز..
انا اعمل ايه؟ و انا
عيد ميلادي فاضل له ايام، و هو ولا عبرني يوم عيد ميلاده، جبتله هديه و عمري ما سبته كدا في اي مناسبة، سواء حلوة او وحشة، انا خلاص مش هتصل بيه تاني، بس عايزاكم تقولوا لي هو بيعمل كدا ليه؟ عايزه ارتاح؛ ارجوكم ساعدوني..
