المحرر موضوع: كيفية اختيار مكثف المروحة بشكل صحيح  (زيارة 17 مرات)

مستشار

  • Sr. Member
  • ****
  • مشاركة: 344
    • مشاهدة الملف الشخصي

كيفية اختيار مكثف المروحة بشكل صحيح

« في: حزيران 13, 2021, 12:07:41 مسائاً »
الاخوه الكرام؛ المكثف قطعة حساسة للغاية في أي موتور مينفعش اللعب معاه. متسمعش لاي حد يفتي ويقولك غيّر المكثف بسبب عطل ما؛ مش اي عطل يبقي عيب مكثف.

او واحد يقولك كبّر المكثف علشان تزود السرعة؛ الصانع عارف هو بيعمل ايه، وتعب جدا وعمل معادلات وتجارب علشان يوصل لقيمة المكثف المناسب علشان حضرتك تاخد المنتج مظبوط ويعيش معاك.

لما مروحة سقف مثلا بعد فترة سرعتها تقل، ده معناه إما عيب ميكانيكي في البلي او ضعف المكثف، يبقي لو ضعف مكثف؛ معنى ذلك ان المكثف استهلك وضعفت قوته.

يبقي العقل بيقول اني عند اختيار مكثف المروحة؛ اغير المكثف بنفس القيمة والقدرة المكتوبة عليه او اكبر نص بالكتير.

وظيفة المكثف هي دفعة قوية لملفات التقويم علشان تجبر المحرك انه يتحرك وبعد كده يشتغل كمقاومه تمرر تيار يناسب ملفات التقويم.

لما اركب مكثف اكبر بيحصل ان بعد ما يعطي الدفعه الاولى يمرر تيار اكبر من المناسب لملفات التقويم، وده بيسبب كارثة كبيرة للملفات والبلي، بسبب سخونة الملفات اللي بتؤثر على شحم البلي وتحميص ملفات التقويم وفي كلا الحالتين بتدمر الموتور.

حافظو علي اجهزتكم من هبد الهبادين.