المحرر موضوع: مشكلة الزوج كبير السن مع زوجته رفيقة الدرب  (زيارة 43 مرات)

محتار

  • Sr. Member
  • ****
  • مشاركة: 331
    • مشاهدة الملف الشخصي

مشكلة الزوج كبير السن مع زوجته رفيقة الدرب

« في: حزيران 13, 2021, 04:18:36 مسائاً »
والدة صاحبتي عندها ٧٤ سنة وجوزها ٨٦ سنة؛ الام تغربت مع الزوج واستقالت من شغلها ووقفت جنبه وكانت بتوفر له وتدبر له وماتشتريش حاجة لنفسها، واشتغلت، وجوزها قال لها مادام بتشتغلي تشيلي مصاريف البنت الصغيرة.

المهم اللي حوشته واشترت بيه ذهب، باعت كل الذهب عشان تصرف على البيت لانها نزلت مصر، وكان جوزها بيبعت لها مصروف قليل، وكانت بتتكسف تطلب اكتر وبتخاف أنه يقول عليها مسرفة، فكانت بتبيع دهبها وتصرفه على البيت لحد مابقاش معاها فلوس فعليا، وجوزها نزل، ودلوقتي هي حرفيا عايشة بلقمتها.

أولادها اتجوزوا وجوزها بيديها مصروف شخصي ٢٠٠ جنيه، رغم أنه بيطلع له معاش حلو وعنده دخل تاني، بس مابيرضاش يجيب حاجة للبيت، يعني السباكة تبوظ مش مشكلة، السخان باظ مايتصلحش، وفي نفس الوقت معاملة وحشة وشتيمة ليها لأتفه الأسباب، وهي مالهاش مصدر دخل عشان تسيبه وتعيش لوحدها، وأولادها متجوزين وعلى قدهم، وانتوا عارفين محدش بيشيل مسئولية حد.

هما حاولوا يقنعوه أنه يصلح أو يجيب حاجة، لدرجة أن سقف المطبخ عندهم بايظ والسقف هيقع، وبرضه مش راضي يصلحه ولا راضي يسيب الشقة ويؤجر بره، ولا راضي أن حد من أولادها يصلح لها حاجة، وهي قرفت من المعاملة الوحشة ومش عارفة تعمل ايه.

جناح طاير

  • Sr. Member
  • ****
  • مشاركة: 265
    • مشاهدة الملف الشخصي

رد: مشكلة الزوج كبير السن مع زوجته رفيقة الدرب

« رد #1 في: حزيران 13, 2021, 04:21:46 مسائاً »
74 و86 ولسه في العمر مناهده !