انا مطلق، ومعايا ولد عايش معايا، تقدمت لكذا واحدة للاسف كانوا غير ما توقعت.
روحت لواحدة نفس ظروفي عندها ولد وبنت كبار من سن
ابني، اتقابلنا وخرجت الأولاد مع بعض لكن الولدين مش قابلين بعض، حاولت أحلها، مفيش، وابني كلمني بصراحة قالي انا مش هقدر اعيش معاه -اللي هو ابنها-.
وانا مرتاح ليها جدا لانها حد محترم ومخلص وطيب، وتعبت كتير في حياتها، وانا نفسي اكون سبب لراحتها واعوضها، بس موضوع الأولاد هو المشكلة.
وهي شايفة أننا نحاول معاهم مرة واتنين وتلاتة.. عشرة؛ لحد ما يتصلح حالهم، وانا مش حاسس لمدة خاصة بعد رفض ابني لابنها وانا عاوز يكون ليا منها
أولاد.
واهلي رافضينها، مش ليها هيا، لا، عشان أولادها، وخاصة البنت، وكلام اهلي يحترم، بس انا عاوزها، لكن العقبة دي مخلياني مش عارف اعمل ايه، وما ينفعش اغامر ونجرب في العيال.
انتم شايفين ايه في المشكلة دي؟
