تقول (هـ.س)؛ هو انا عايزة اعرف اللي بيحصل ده طبيعي؟ رحت سجل مدني عين شمس عشان تجديد
البطاقة كانت الساعة ١٠ صباحا، قالولي تنتظري لو الناس اللي على الشباك خلصت قبل الساعة ٣ هنوزع ارقام تاني! طيب؛ ساعتها هعرف دوري ازاي، يعني افرض خلصوا الساعة ١ الناس اللي منتظرة، ليه حد جاي بعدي بساعة وساعتين ياخد رقم قبلي؟
امال ايه فايدة الارقام اساسا؟
واول لما يقولوا هنوزع ارقام حيبقي ايه الحال، ميت نفر هيتزاحموا عشان يلحقوا مين اللي ياخد الاول، ورجالة على ستات بقى.
غير ان اصلا مفيش مكان آدمي للانتظار، والناس فارشة وقاعدة في الارض في عز الشمس.
حقيقي انا مش راضية عن اللي بيحصل ده؛ في حد قالي على سجل مدني سيتي ستارز، حد يعرف نظامه؟ وتكاليفه؟
