انا لي اب علاقتنا ببعض مش تمام خالص، هو عمل حجات كتير وحشه معايا مش قادرة انساها، وبردو ليه خير عليا، بس الوحش اكتر لدرجة اني بقيت بخاف منه وبكره اشوفه مش عايزه اعيش معاه، عاوزة اعيش بعيد عنه.
انا مقيمة عند ناس قرايبنا في محافظة تانية بس مش عاوزة ارجع ولا عاوزة اعيش معاه، وهو مش فارق عنده ارجع أو لا؛ بس احنا بتتكلم وبيتصل بيا وكلامه كويس بس الراجل ده بخيل وحرمني من حجات كتير وفوق دا كله كان بيتحرش بيا -صورة غير مباشرة- بس انا فاهمه كل إللي بيحصل.
أنا بقا عندي فوبيا منه ومن كل الناس انا بقيت بخاف حتى من البنات لو بنت حطت إيدها عليا باتنفض، مبقتش أثق في حد.
انا علاقتى بابويا مختلفه خالص عن علاقه أي اب وبنته؛ راجل فعلا مش كويس ومش بحبه ومش عاوزه اعيش معاه، انا تعبت من اللي بيحصل ده.
وحكيت لأمي وامي ملهاش شخصية خالص ولا عملت أي حاجه؛ الحل الوحيد اللي عملته اني رحت عشت عند جدي وامى بتزن عليا عاوزاني ارجع.
امي ست كويسه خالص وانا بعدت عنها بسبب ابويا، كانت بتتحايل عليا اني ارجع وامي اصلا تعبانه ومحتاجه حد معاها، بس اعمل إيه غصب عني مبقتش طايقه ولا قادرة؛ وبقول دايماً خايفه يترد في عيالي يسبوني.
بس انا بعدي بسبب؛ هرجع قريب ووالله خايفه من ابويا؛ انا بقيت باكره أنه يشوفني اصلا أو حتى يلمس ايدي؛ ادعولي بالله عليكم او أي نصيحة.
مشكلة زائرة
