(م.ك)؛ تسأل، انترڤيو المدرسة الانترناشونال ل KG1 الاسئله للطفل والأب والام برضه بتكون عباره عن ايه؟ فيه ناس مرعوبة هنا الاب والام خايفين اكتر.الردأهم حاجه يطمئنوا إن الاب و الام بيتكلموا انجليش، والاسئله بتكون عن أسلوب تعامل الاب و الام مع الطفل، وطرق العقاب و وظيفة الاب و الام، و دردشة بصورة عامه عشان يتأكدوا من ثقافتهما.
انا مع ابني عمل تلاته انترفيو في مدرسة؛ واحد مع دكتورة كشفت عليه، وتاني مع مع اخصائية اطفال بتشوف
الطفل سليم ومستوى ذكائه وطريقة كلامه، وسألته عن أسماء حيوانات مثلا، بس سالته انت ساكن فين، بس انا بصراحه استفزيت؛ فرديت عليها انا وقولتلها حضرتك بتسالي طفل تلات سنين ساكن فين؟ فسكتت، وبعدين دخلنا بقى على انترفيو مع اتنين مدرسين؛ واحد انجلش سأله على الأشكال اسمها ايه؟ اللي هي مربع ومثلت، وبعدين فيه مدرسة أخدته لوحده في اوضه ودخلت معاه سالته بقى على الارقام وحروف، وبعدين طلع واحنا كنا مستنينه بره، بس كده.
لكن السؤال: لو مثلا الأب و الام على قدهم او غير مثقفين او غير متعلمين، ملهمش الحق يكون لإبنهم حياة أفضل!!
الغريبة ان كل العباقرة والمتميزين في تاريخ مصر لم يتخرجوا من مدارس إنترناشيونال، وتلاقي الناس دلوقتي بيضغطعوا على نفسهم وعلى عيالهم لمجرد المنظرة.
اسئلة كوميدية في انترڤيو المدراس الانترناشونالبعض الأصدقاء -من باب السخرية على الوضع- قالوا بعض الأسئة الكوميدية الساخرة في إطار الانترفيو الغير طبيعي والمبالغ في:
- هيسالوا الطفل انت ليه اخترت تيجي المدرسه دي ؟
- شايف نفسك فين كمان خمس سنين؟
- عنكدوا عربيه ايه وكام عربيه؟
- روختوا اوربا ولا لا يبقي سافرتوا بره مصر روحتوا فين؟
- عندكوا ناني؟
- الطفل عنده باسبور وسافر بره قبل كدا؟
- مشتركين في نادي ايه ولو مشتركين معاكوا صور الكارنيهات الاصليه والباسبورات؟
لازم يكون الطفل برفكت في الانجلش ويفضل لو كان خريج هاردفورد هو دة مش شىء اساسي بس هيحسن فرصته فى القبول.
اما الاب والام بيتسألوا اسئله تافهة وعادية جدا مثلا فى الطاقة النووية وعلوم ما وراء البحار وكمان يفضل يكون الطفل لابق فى الكلام حسن المظهر ذو سمعة جيدة ويجيد الدارسة فى فريق عمل ويتحمل ضغط الهوم وورك وبالتوفيق ان شاء الله.
