(ر.ع) تحكي تجربتها وتسأل؛ كنت بكشف على المخالفات المرورية الخاصة بعربيتي -اللي مبتحركش بيها غير كل سنة مرة- ولقيت مخالفة بـ 300 جنيه تجاوز سرعة؛ ولما فتحت صورة المخالفة لقيتها مش عربيتي؛ هي عربية مشابهة في الرقم والحروف مع اختلاف أول حرف؛ حد عنده فكره اعمل ايه ؟الرداعملي تظلم وحطي صورة المخالفة وصورة
الرخصة وقولي انها مش عربيتك هيشلوها على طول -إن شاء الله-.
حل تاني؛ حضرتك هتروحي نيابة المرور اللى تبعه، وهناك هيعملك مذكرة؛ والمخالفة هتتشال خلال ١٠ ايام عمل. لأن أحد الأخوة قال: تجربتى مع التظلم الالكترونى سيئة؛ الافضل متعمليهوش، وتتظلمي في المرور بتاعك، ولو دخلتي لوكيل النيابة شرحتيله الوضع ممكن جدا يتفهم، ولو عملتي تظلم اونلاين مينفعش تتظلمي من المرور.
من هو أبو زيد خضر ؟يقول زميل في الموضوع:
ياريت كانت مخالفة!انا جاتلى قضيه وحبس غيابي سنة من غير ما نعرف، اتخضينا وقولنا اكيد فيه حاجه غلط، او يمكن العربية القديمة اللي بعناها من مدة ولسه صاحبها ما نقلش الملكية على اسمه، ولكن للاسف طلعت العربية اللي معانا.
جبنا ورق القضية، طلع فيها تزوير وانه كاتب عربية جامبو نص نقل، ورقم مختلف، لكن بحمد الله ربنا وفقه وصلح الرقم بعد شهرين من وقوع الحادثة المزعومة برقم عربيتنا ونوعها ولونها وعنوانا، وتحريات المباحث ما فيش حوادث في الطريق ده، ولا شهود، وخصوصًا التوقيت ده كان في رمضان الساعه 2 بعد الظهر، وعرفنا اسم المدعى وعنوانه.. طلع من شاوة، اخدنا واحد معرفتنا اصله من شاوة، علشان نروح للمدعى نثبتله انه على خطأ، واننا لسنا المذنبين؛ ويتاكد ان دى مش العربية ولا ده المتهم بالتعدي عليه، لكن حسبى الله ونعم الوكيل؛ تقريبا بيتهموا الناس بالباطل علشان تعويضات من شركة التامين او المتهم، وما زالت القضية شغالة، ويتهمنا الظالم اننا روحناله للتفاوض.. قولوا نعمل ايه غير حسبنا الله ونعم الوكيل..
