المحرر موضوع: الهواتف التي تدعم 60 فريم ببجي  (زيارة 747 مرات)

إنسان حر

  • Hero Member
  • *****
  • مشاركة: 547
    • مشاهدة الملف الشخصي

الهواتف التي تدعم 60 فريم ببجي

« في: حزيران 16, 2021, 06:07:05 صباحاً »
لو بتسأل عن ارخص الهواتف التي تدعم 60 فريم ببجي عشان لعبة PUBG بقى وكده؛ يبقى تعالى نتكلم شوية علم.

بص يا صاحبي اي حاجة بتشوفها علي موبايلك هي عبارة عن صور بتتغير يعني الفيديو اللي بتتفرج عليه هو صور بتتغير طيب دا ايه علاقته بالفريمات اقولك انا الصورة اللي بتتغير دي هي الفريم يعني مثلا انت بتشوف فيديو ٦٠ فريم معني كدا انك بتشوف ٦٠ صوره في الثانيه طيب وكل دا ايه علاقته باللعبه علاقته باللعبه يسطا انها هي كمان فريمات بتتعرض قدامك يعني صور بتتغير طيب ايه حوار ستين فريم او تسعين الحوار ببساطه ان اللعبه بتستهلك جهد كبير من المعالج اللي هو عقل الموبايل ومش كل المعالجات بتقدر تشغلها بسهولة عشان كدة بيقلل عدد الفريمات اللي بيعرضها عشان يقدر يواصل معاك طيب ليه فيه موبايلات بتشتغل ٦٠ فريم بس مع المعالج بتاعها يقدر يشغلها ٩٠ فريم الاجابه حاجة من اتنين مالهومش تالت الاول ممكن يكون المعالج لسه جديد واللعبه لسه ما ادرجتهوش في قايمة المعالجات اللي بتقدر تشتغل ٩٠ فريم والسبب التانيه هي الشاشه اللي بتعرض الصور وكل شاشه بيبقي فيها حاجة اسمها معدل تحديث يعني سرعة الشاشه ف الاستجابه لامر المعالج بتغيير الصورة المعروضة وباختصار شديد اي موبايل صدر قبل ٢٠١٩ شاشته اخرها ٦٠ هيرتز وموبايلات ٢٠٢٠ بعضها ٩٠ او اعلى والبعض التاني ٦٠ وموبايلات ٢٠٢١ نادر جدا لو لقيت موبايل اعلي من ٣٥٠٠ جنيه اقل من ٩٠

يعني الايفون مش بيشغل اللعبه ٩٠ فريم ؟
لغاية دلوقتي لأ مفيش ايفون بيشغلها ٩٠ فريم لان مفيش شاشات اعلى من ٦٠

طب والسامسونج ؟ا
اقل تليفون بيشغل اللعبة ٩٠ فريم في سامسونج هو s20
واقل تليفون بيشغلها 60 m62

طيب واوبو ؟
للاسف يا صديقي عائلة find x بس اللي بتشغلها 90 او 60 ومعاهم موبايلات منزلتش مصر رينو 10xzoom ورينو ايس

طيب هواوي ؟
من اول ميت 10 وانت طالع في عيلة الميت.
ومن اول نوفا 5 وانت طالع في عيلة النوفا.
ومن اول بي 20 وانت طالع في عيلة البي
بيقدروا يشغلوها 60 فريم ومفيهاش 90 عشان مشكلة جوجل.

طيب ريلمي
علية x ورقم بعدها برو من اول x2pro بتشتغل 90 فريم.

وعيلة ريلمي رقم بس فيها ريلمي 6 وريلمي 7 النسخ العاديه مش البرو بتشتغل 60.

طيب وشاومي؟
حدث ولا حرج موبايلات كتير اوي بتشتغل 60 و 90 بس باختصار اي حاجة من شاومي فوق 5000 بتشتغل 60 او 90.

وانفينكس؟
متشتريهوش عشان ماتندمش لو اهتمامك الاول اللعبة.

#هذا_والله_اعلم