(هـ.ع) تسأل: هل فيه حل لإزعاج أطفال الجيران المستمر اللي مهما كلمنا أهاليهم مفيش فايدة؟ الأهالي هي اللي سايبة عيالها يعملوا دوشة بمزاجهم. ولو على الاتحاد فأصلا أبناء رئيس الاتحاد أول ناس عاملين إزعاج؛ وخلاص مبقيناش عارفين نعيش.
هل لو بلغنا البوليس هيبقى فيه فايدة؟ وخصوصا إننا مستأجرين مش ملاك (حلول بتاعة عزلي - دا اوبشن مش متاح خالص دلوقتي).
أنا مش مستحملة الدوشة وأنا سليمة وهابقى عاملة عملية كبيرة ومش طايلين نرتاح في بيتنا لا شباب ولا مسنين خالص والباب بقى ملخلخ وهيتخلع من تخبيط الكورة فيه.
الرد
١. بصي؛ رشي في الطرقة كلها من الجناب وعند عتبه باب شقتك شبه مطحونة او بيكربونات. وبلغي الاهالي انك رشيتي بودرة نمل وصراصير وقوليلهم كل واحد مسؤول عن عياله علشان لو عيل حصله حاجة انا مش ملزمة وبلغت.
٢. صوريهم وبلغي الشرطة ده بعد ما تتكلمي مع اهاليهم عشان تكوني عملتي بحق الجيرة قبل الشرطة.
٣. خدى الكورة وقطعيها بالسكينة قدام العيال وادخلى شقتك؛ ولو حد خبط عليكى واعترض على تصرفك قولى له انا رد فعل وانتوا مش محترمين جيرة يبقى احترمها انا ليه. الفكرة اقرفى العيال رشى مايه على السلم قطعى الكورة، نمشى بمبدأ مش متشطرين على الحمار يبقى نتشطر على البردعة.
