انا متزوج من سنه وعندي طفل؛ من تاني يوم فرحنا كنت حاسس ان مراتي بتكلم حد فون لان لما اخرج وارجع ترتبك وتسيب الفون؛ فضل الموضوع ده اسبوع بعد الجواز؛ واجهتها أنكرت وبكت؛ قولت يمكن اكون فاهم غلط؛ وسكت؛ لكن من يومين لقيت الرقم على طول مشغول بالربع ساعة وكنت بره البيت؛ رجعت بقولها بتكلمي مين بتقولي؛ مفيش يمكن الشبكة! المهم لقيت فعلا هي رنت على رقم حد.
رنيت عليه اول كلمه قالها ايوه يا
حبيبتي؛ انا معرفتش اقول ايه غير قولتلها امشي من بيتي؛ فضلت تعيط وجات اختها تقنعني في حاجه انا تأكدت منها؛ اعترفت انها بتحب الشخص ده قبل ما نتجوز؛ وكانت بتكلمه لبعد الجواز بتلات شهور؛ وقالتلي انها كانت مكالماتها معاه انها بتقوله نبعد ومنتكلمش تاني.
انا مش مصدق حاجة زي دي؛ وانا عمري ما قصرت معاها في طلب؛ ومش عارف اعمل ايه؛ كل ما اخرج بحس انها بتكلمه؛ حتى لو مش بتكلمه فعلا! محتار احل المشكله دي ازاي..
