انا متجوزة بقالي ٣ سنين ومخلفه؛ انا و جوزي بنحب بعض جدا لكن هو شخص عملي بحت تفكيره كله شغل وفلوس وهو ناجح جدا في المجال ده الحمدلله وبيعرف يظبط شغله كويس لكن في الجانب الرومانسي بحسه مش مهتم بالموضوع ده اوي وانا عشان من بدري فاهمه طبيعة فترة الخطوبة وما بعد الجواز فمبقيتش بزعل زي الاول .. نحست يعني.
مش دي المشكلة.. انا ممكن تكون في حاجه مضايقاني واتكلم معاه ملاقيش اي رد فعل يرضيني... مبيعرفش يراضيني.
دايما مدخل الشغل و قرفه حتى في الوقت اللي ببقي بفضفض له فيه ... انا بطبيعتي مش شخصية اجتماعية مليش اصدقاء ومبحكيش حتي لأقرب الناس فطبيعي احكيله هو .. لما بحكي برجع اندم بجد من أسلوبه.
المشكلة هنا بقي .. انه بيتغير ويزعل لو لقاني مطنشه احكيله وبحكي لماما أو لاخويا مثلا بيزعل بجد وممكن يتقمص بالايام.
طب انا مش عارفه اتصرف ازاي معاه وبجد ابتديت ازهق!
